Myanmar atanga Lawngtlai District-a rawn raltlan te khawsak lailawkna tur siam sak an ni tawh

Lawngtlai District khaw pathuma Myanmar mi raltlan lo lutte chu an khawsak lailawkna tur sak sak an ni tawh.
Lawngtlai District Bawrhsap, Arun T. chuan tunhnaia Myanmar a\anga Mizoram-a raltlan lo lut mi 1,600 bawr vel hi a theih ang angin sorkar chuan a tuamhlawm zel tih sawiin, an chenna tur Relief Camp sak a nih bakah eitur buhfai pek an ni a. Hri leng a awm lohna’n Doctor pahnih leh an thawhpui midang pali-in a hmunah an vil reng a, a \ul angin damdawi pawh a thlawna sem a nih thu Bawrhsap chuan a sawi a, Hri a len an hlauh thu pawh sawiin, tunah hian raltlan Camp hrang hranga awm te hriselna dinhmun an enfiah tawh a\angin Hritlang khawsik satliah bakah Malaria hrik pai pawh mi 10 chuang hmuhchhuah tawh a ni tawh bawk a. Venhimna lam chu Assam Rifles leh Police-in khauh takin an kengkawh niin a sawi bawk.
Heng raltlan te hi Zirtawpni khan Bungtlang 'S' BDO leh Supply Inspector ten Buhfai Bag 30, Alu, Dal, Chi leh Chini engemawzat pein, rualkhai leh dik zawka sem anih theihna 'Temporary Ration Card' te an siamsak bawk a, hemi hma hian Bungtlang BDO te hian Sorkar hmalakna in Buhfai bag 70 an pe tawh bawk a. Heng bakah hian Central YLA chuan Lawngtlai a Branch hrang hrangte hnen a\angin raltlante chhawmdawlna atan mutbu leh an neih remchan ang an khawn khawm a, thuamhnaw leh mutbu LKP Truck trip khat, Alu, Dal leh eitur dangte chu raltlan ten an mamawh dan anga sem rual turin helai chhehvela khawtlang hruaitute leh Relief Committee te kutah an hlan bawk a ni.
Myanmar sipaite’n Arakan Army hel pawl laka beihpui an thlak chiam avangin November thla laihawl tawplam a\ang khan Mizoram dep Myanmar ramchhung a nunau \hahnem tak chu Lawngtlai District-ah an rawn tlanchhia a. Himna zawnga an rawn luhna hi Laitlang, Zochachhuah, Hmawngbuchhuah leh Dumzautlang khua te a ni a. Central Young Lai Association (CYLA) hruaitute chuan India leh Myanmar sipaite inkap thawm hi hriat tur a la awm reng tih sawiin, Myanmar sipai helicopter pawhin ramri depa awm, Varang khua leh a chhehvel chu chunglam a\angin a la bei reng a, raltlan dinhmun hi felfai taka chhinchhiah hleihtheih a nilo niin an sawi bawk. Tuna raltlan te awmkhawmna hi Lirthei a tlawh pawh hleih theih loh khawpa pilril a nih hlawm avangin a hmuna kal sorkar official-te’n harsatna an tawk nia thudawn a ni a. Myanmar sipai leh Arakan Army helte an inkah zeuh zeuh avang hian helai bial vela awm nunau hi an rawn tlanchhe fo tawh a, tun \um hi an tam ber \um leh vawi li an rawn tlanchhiatna a ni tawh a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.