ZDU Sub-Hqrs. Serchhip buatsaihin Serchhip-ah Fimkhurna Hapta hman \an a ni

Lirthei leh a kaihhnawih laka chetsualna thleng thei laka fimkhur a \ul zia inzirtirna Hapta, Fimkhurna Hapta vawi 37-na chu nimin a\ang khan Mizoram-ah hman \an a ni a. Serchhip-ah pawh he Hapta hawnna hi nimin zing khan Serchhip Bazar-ah neih a ni.

Serchhip-a Fimkhurna Hapta (Road Safety Week) hawnna inkhawm, Town Bus Stand-a neih hi ZDU Sub-Hqrs. Serchhip Vice President, S. Lalpianga chuan kaihruaiin Khuallian nia Hapta hawngtu Serchhip Addl. DC, Chuauhnuna chuan inzirtirna neih chu thil pawimawh leh inzir reng tur kan nih thu sawiin, Accident thlen chhan tam ber chu fimkhur tawkloh vang nia a lan thu a sawi a. Passenger phur chi lirthei enkawltute phei chu an fimkhur zual a \ul thu pawh sawiin, him zawk leh mipuite tana innghahna tlak ni tura lirthei khalhtute chu an fimkhur a \ul thu a sawi bawk.
He hunah hian ZDU Sub-Hqrs. Serchhip Secretary, Lalremruata Ralte chuan report pein Mizoram-ah Fimkhurna Hapta chu kum 1980 a\angin kumtin ZDU chuan an hman thu leh Serchhip-ah pawh kumtin an lo hman ve tawh \hin thu a sawi a. Kumin chhungin Serchhip-ah ZDU member boral mi 7 an awm tawh thu sawiin, heng zingah hian lirthei chetsualna avanga nunna chan an awmlo chu lirthei khalhtu ten fimkhurna lamah hma an sawn zia tilangtu nia a hriat thu a sawi bawk.
Fimkhurna Hapta hi tunkar Inrinni, Dec. 2, 2017 thleng tur niin, Hapta hman chhung hian Week Flag zawrhchhuah tur niin pakhat hi Rs. 20/- aia tlem lovin hralh tur a ni dawn a, heta sum hmuh hi ZDU in miharsa te \anpuina atana hma a lakna, ZDU Ramthim Board-ah chhunluh tur a ni anga. Hei bakah hian Week hman chhung hian lirthei laka chetsualna thleng palh thei laka fimkhur a \ul zia inzirtirna neiin thuziak te sem a ni dawn a ni.
Fimkhurna Hapta hawnna hi District khawpui hrang hrangah neih a ni a, Aizawl-ah chuan Home Minister, R. Lalzirliana’n he Hapta hi hawngin Driver te chu nunna tam tak an kutah a in nghah avangin fimkhur tak leh fim taka motor khalh turin a chah a, Zu vanga buai lo tur leh rui chunga motor khalh lo turin a chah bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.