Vawk Rulhut hlo pekna Ni hmang

Nimin khan AH & Vety Department Ser-chhip buatsaihin State Vety Dispensary Serchhip-ah Vawk tana Rulhut hlo pek beihpuit-hlakna Ni hmn a ni a, Vawk \hahnem tak Rulhut hlo pek an ni.

Progamme of Deworming in Pigs hi Serchhip DVO, Dr. Lalnghinglova chuan kaihruaiin Chief Veterinry Officer, Dr. Lalmak-thanga chuan hrisel taka ran vulh a nih theih nana ran In sakna hmun thlan a pawimawh thu leh ran In sak fimkhur a pawimawh thu te, ran In leh a vawl vawn fai leh vawn thianghlim a pawi-mawh zia te a sawi a. Dr. Biaklianzuali, Veterinary Officer, Chhingchhip chuan ranvulh te tana Rulhut pai theih te leh a enkawl nana Rulhut hlo chi hrang hrangte sawiin, rulhut hlo pek pawimawh zia leh a pek dan te he huna kalkhawm Vawk vulhtute a zirtir bawk a ni.

He hun kaihruaitu Dr. Lalnghinglova, DVO Serchhip chuan National Livestock Mission hnuaia ran hriselna kawnga hmalakna hrang hrang zingah Control of Parasite chu a tel thu sawiin, Mizoram sorkar pawhin hei hi ngai pwimawhin he hmalakna bawhzuina atan hin Deworming Day hi Mizoram District hrang hrangah hmang tura ruahmanna a siam angin Vawiin hian hman a nih thu a sawi a. Kan ranvulh te alo hrisel zawk theih nan ranvulhtu ten Rulhut hlo pek nachang kan hriat a \ul thu sawiin, a hun dik takah Rulhut hlo kan pek \hin theina tura inzirtirna atan he Ni hi buatsaih a nih thu a sawi bawk.

Nimin a Deworming Day for Pigs-ah hian Serchhip-a Vawk vulhtu \hahnem tak telin he huna kalkhawm te hnenah hian a thlawnin Vawk Rulhut hlo semchhuah a ni bawk a ni.