Vawk note thi 44 tling tawh

Tun thla ni 7-a AH&Vety Department in NLUP 3rd Phase leh 4th Phase hnuaia Vawk vulh thlangtute hnena Serchhip-a Vawk note an semchhuah zinga thi chu 44 zet a tling tawh.
State Vety Dispensary, Serchhip a\anga thu kan dawn danin tun thla ni 7-a NLUP hnuaia Vawk note an semchhuah zinga thi te VFA hrang hrangte hnenah thehluh niin nimin thleng khan hriat theih chinah Vawk note thi hi 44 a tling tawh a, Vawk note thi hi New Serchhip huamchhung ah tam berin 25 zet a thi tawh a, Serchhip-VII leh Serchhip-VIII huamchhung ah 5 ve ve thiin Serchhip-II VC huam-chhung ah 4, Serchhip-V VC huamchhung-ah 2 leh Serchhip-I VC huamchhung ah pakhat a thi tawh a, Serchhip-V huamchhung-a Vawkte pahnih thi hi mi pakhat in a dawn niin midang zawng hi chuan an Vawk note dawn ah pakhat zel an chan nia thudawn a ni bawk.
New Serchhip-a VC pahnih huamchhunga Vawk note thi a tam chhan nia lang ber chu a dawng pawh an tam vang nia thudawn a ni a, mi 167 vel hnena Vawk note sem a nih lai hian New Serchhip a\anga Vawk note dawngtu hi mi 80 chuang an awm nia thudawn a ni bawk.
State Vety Dispensary-a VFA te chuan Vawk note te thih chhan ber chu Khawsik, Kaw\halo leh Awmna an nih thu sawiin, heng vawk thi te hi enkawlna pek hmanloh vanga thi an ni tlangpui tih an sawi a. Vawk note dawngtute hian a tlangpuiin an Vawk note a thih hnuah an hnenah an report tih sawiin, Vawk note thih hnua Vawk damlo te chu a theih anga an enkawl thu leh enkawl dam engemaw zat an neih thu an sawi a, an enkawl laia thi ta pawh 5/6 vel chu an awm thu an sawi a. Heng Vawk note thi te hi sorkar in \anpuina emaw, zangnadawmna emaw pek tumna a neih leh neihloh chungchanga zawhna chu engmah hriat an la neihloh thu leh thuneitu sang zawk (DVO) ten Vawk note thi te hi mumal taka lo chhinchhiah tura an tih anga an chhin-chhiah a nih thu an sawi bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.