Latest News

Buh thartu zawng zawng te |in khat zelah lawmman Rs. 100/- zel kan pe ang - Vanlalruata, President PRISM

People’s Representation for Identity and Status of Mizoram (PRISM) President, Vanlalruata chuanan Party chuan ei leh bara intodelh hi ram tana \ul hmasaah an ngai tih sawiin, an sorkar hunah chuan Buh thartu zawng zawng te |in khat zelah lawmman cheng za (Rs. 100/-) zel an pe dawn tih a sawi.

PRISM hian Zirtawpni khan Aizawl-a PRISM Conference Hall-ah ei leh bara intodelh (Agriculture Policy) zirhona an nei a, he hunah hian an President, Vanlalruata chuan PRISM Party chuan ei leh bara intodelh chu ram tana \ul hmasa ah an ngai tih sawiin, “Kan sorkar hunah chuan kan chawpui buh leh thlai thlanbik a kan intodelh theihnan a thartu te hnenah lawmman kan pe dawn a. Buh thartu zawng zawng te |in khat zelah lawmman cheng za (Rs. 100/-) zel kan pe dawn a ni,” a ti. PRISM President chuan Mizoten chaw atana kan rinpui ber chu buh a ni tih sawiin, kan chaw rinpui berah pawh tun thleng maia kan la intodelh lo leh, ram pawn a\anga lakluh nana sum tam tak kan hmanral a la ngai reng chu tihtawp dan zawn thuai a \ul thu sawiin, “Buh thartu zawng zawng te |in khat zelah lawmman cheng za (Rs. 100/-) zel kan pe dawn a. Buh thar hnem apiangin lawmman an dawng hnem mai dawn a. Kum 2018 inthlanpuia sorkarna kan siam chuan, kum 2018-a buh thar te lawmman kan pe nghal dawn a. Chuvang chuan, kumthar atana buh hmun buatsaih tur te, buh thar tam thei tura thlawhhma lazau turin kan chah a ni,” a ti a. Buh mai bakah hian sumchang thlai te khawl lian nena buaipui thama thar tura PRISM a inbuatsaih thu sawiin, “Mithiam ten kan ram leilung mil, thar hlawk leh man tam chi an thlang ang a. Chung thlanchhuah thlai-ah chuan kan insawrbing ang a, Buh thartu lawmman kan pe ang thovin thlai thlan bik thartu hnenah lawmman kan pe ang a. Thlai leh a lawmman tur chu mithiam te la thlan leh bituk tur a ni,” a ti bawk.
PRISM President chuan ram changkang tawh te reng reng industry a innghat annih zel thu sawiin, “Ram changkang tawh te chanchin kan zir chuan an rama Industrial Revolution a thlen atangin hma an sawn zel a. Chuvang chuan kan ramah hian Industrial Revolution kan thlen tir dawn a. Kan Election Manifesto No. 9B-a kan ziah angin Mizoram hi crop zone-ah \hen vekin chumi mil chuan thlai leh thei sawngbawlna industry kan din dawn a. Industry te hian contract farming in loneitute thlai an chintir dawn a. An thlai hralhna a\anga hlawkna an dawn mai bakah thlai an thar avangin lawmman pawisa an dawng dawn a ni,” a ti bawk.
Pawisa sem a indawmkan tum chung-chang pawh sawiin PRISM President chuan, “Thlai chin ah \an lain sorkarin heng atan hian pawisa pawh a semin a seng nasa tawh a. Kan ramin hma kan sawn pui lohzia kan hmu chiang tawh chungin pawisa sem tuma insawi an awm leh tawh hi a pawi kan ti,” a ti a. “Keini chuan thlai chin leh ranvulh bul\anna tur pawisa kan sem dawn lo a. Israel ram leh ram hmasawn chak hovin an tih angin ram \ha laiah thlai chinna hmun tur leh ranvulhna hmun tur chu - kawngpui, electricity, tui leh chenna tur In \ha nen thlap, thlai chin emaw ranvulh bul\an theiha peihsa thlapin kan siam ang a. Heng ah hian, hnathawh theih sa thlapin, hna thawk tur te chu kan dah lut dawn a. Heng hmalakna te reng reng hi a process na tur industry nen kan thlunzawm thlap zel dawn a ni. Chuvangin mi taima, hausak duh chuan PRISM Party hi min vote se, hun reilo te chhungin an hausa mai dawn a. Dinhmun ngaia awmzel duh chuan party dang vote mai rawh se,” a ti bawk.
Tarlan tawh angin PRISM hian tunhma lama an kaldan phung chu thlakin nakum-a Mi-zoram State Assembly inthlanpui chuh turin an inbuatsaih mek a, tunah hian party-ah inlet tawhin nakum-a Assembly inthlanpui-ah hia sorkar-na an siam ngei pawh an beisei thu an hruaitute chuan an sawi a ni.

Comments

Popular News (Last 30 Days)