Swachh Survekshan hmalak zelna tur sawiho niin chhungkaw tinah Sanitation Fee khawn a ni dawn

Serchhip District Sanitation Task Force hmalakna in nimin khan Serchhip DC’s Conference Hall-ah Swachh Survekshan-2018 hnuaia hmalak zelna tur chungchang sawihona neih a ni a. Serchhip khawchhunga chhungkaw tinah Sanitation Fee, thla tin cheng 10 \heuh khawn turin rel a ni.

Serchhip District Bawrhsap, Sangchhin Chinzah kaihhruaina hnuaia Survekshan-2018 hmalak zelna tur sawihona hunah hian Serchhip District Urban Development Officer (DUDO), Vanthangpuii chuan Swachh Survekshan chungchang sawifiahin, Swachh Survekshan hian khawtlang leh mipui faina lama hma kan sawn zel theihna turin tehfung hrang hrang a nei a. Tun dinhmunah hian India rama khaw 4041 huamin, Mizoram bikah chuan Census Town 23 te a huam tel thu sawiin, heng khaw hrang hrangte tan hian faina kawnga inelna neih tur a nih thu a sawi bawk.
Ramchhung faina atana hmalakna, Swachh Survekshan-2018 hnuaiah hian Serchhip District chhunga faina kawnga hmalak dan tur hrang hrang chu District Sanitation Task Force chuan an lo ruahman tawh a, heng ruahmanna an siam te hi huamzau zawka sawihona nei turin he Meeting hi koh niin nimin a \hutkhawm ah hian District Sanitation Task Force Member te bakah Serchhip-a Department hrang hrang hotu te, MJA aiawh te, Village Council hrang hrang aiawhte leh YMA Branch hrang hrang aiawh mi pakhat \heuh te tel tura sawm an ni a. He Meeting-ah hian sawm bik te an kal \ha hle a ni.
He Meeting-ah hian Swachh Survekshan-2018 lo hmachhawn tura tehfung hrang hrangte zirho leh sawiho a ni a, khawtlang, mipui leh sorkar department hrang hrangte faina lama hma an lak theihna tur kawng hrang hrang inhrilh hriatna leh hma lak zel dan tur ngaihtuah a ni a. Faina kawnga hmalakna tur hrang hrang an sawiho hnuah Serchhip khawchhunga chhungkaw tinah Sanitation Fee, thla tin cheng 10 \heuh khawn nise tih te, zirna In hrang hrang, Kohhran hrang hrang, YMA leh Village Council tinah Sanitation Committee din nise tihte leh chhung tinin Inrinni tin chu ‘Tual phiah fai ni’ atan hmangin, mahni kawt leh a chhehvelte phiah fai ziah ni se tihte chu lungrual taka pawm a ni.
He \hutkhawm ah hian Serchhip Addl. DC, Chuauhnuna chuan kumin-a Mizoram khawpui fai inelna neih zawh tak chu thlirletna hun a hmang a, faina kawnga chak zawka hma lak zel dan tur sawiho a ni bawk a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.