Serchhip-ah NMMS Exam nei

/
Ministry of Human Resource Development (MHRD) bultumin Inrinni khan Serchhip District-a Class-VIII zirlaite tan National Means-cum-Merit Scholarship (NMMS) Exam chu neih a ni.
MHRD bultuma National Means-cum-Merit Scholarship (NMMS) Exam hi Ser-chhip-ah chuan DIET Serchhip bultuma neih a ni a, he Exam-ah hian Serchhip District chhunga Middle School hrang hrang a\angin zirlai 160 zet an tel a, heng zirlai te hian Paper pahnih- Mental Ability Test (MAT) leh Scholastic Aptitude Test (SAT)-ah te Exam hi an nei a, he Exam-a ti\hate hnenah hian sorkar laipui chuan pawl 12 an nih thlengin Scholarship a pe thei dawn a, Serchhip District chhunga Recognised School hrang hrang-a pawl 8 zirlaite tan tel theihna a ni.
DIET Serchhip hian Nov. 4, 2017 khan Serchhip District chhunga pawl 10 zirlaite tan DIET Serchhip-ah hian National Talent Search Exam chu an lo buatsaih tawh bawk a, NTS Exam hi kumtin November thla ah ramchhunga District hrang hrangah neih \hin niin he Exam-a ti\ha zirlaite chuan PhD an zawh thlengin Scholarship an hmu thei a. DIET Serchhip-a Principal, Lalrammawia chuan NTS Exam hi kumin hian Serchhip District chhunga pawl 10 zirlai mi 93 ten an hmachhawn thu sawiin, District chhunga High School zawng zawngah hemi chungchang hriattirna semchhuak chunga zirlai 93 chauhin Exam an hmachhawn chu an duhkhawp loh thu a sawi.
He Exam-a ti\hate hnena Scholarship pek theih chu thil hlu tak a nih bakah zirlaite ten Competitve Exam an la hmachhawn turah te pawh hetiang kalphung tho hi hman a nih avangin zirlai ten hetiang Exam an hmachhawn chu thil \ha tak a nih thu sawiin DIET Principal chuan, kum lo kal lehzel turah pawh zirlai bakah zirtirtute pawhin phur puiin hei aia tam zawkin Exam hi hmachhawn \hin se an duh thu a sawi a. Pawl 10 zirlai te hian Paper 3-MAT, SAT leh Language Test-ah te Exam hi an nei a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »