Serchhip-ah National Achievement Survey nei

Nimin khan rampumah National Achievement Survey neih a ni a, he Survey hi Mizoram-ah pawh neih niin Serchhip-ah pawh DIET buatsaihin National Achievement Survey hi neih a ni.
Ministry of Human Resource Development (MHRD) in rampuma zirna In hrang hranga zirlai thuhmun ten thiam thuhmun leh zirlai ten a hniam bera an thiam chin thuhmun an neih theihna tura hma a lakna atan buatsaih he Survey hi Zirtawpni a\ang khan kalpui niin nimin khan Survey tak tak hi neih a ni a. He Survey neih tur atan hian pawl 3, 5 leh pawl 8 te thlan niin Survey neihna tur School hi sorkar laipui a\angin Serchhip District chhunga zirna In a\angin an duh duh School an rawn thlang a, Serchhip District-ah hian pawl 3-ah zirna In 32, pawl 5-ah zirna In 40 leh pawl 8-ah zirna In 50 thlan a ni a, a tirah chuan zirna In hi 137 thlan ni mah se sorkar laipui-ah harsatna awm hrang hrangte thlen a nih hnuin Serchhip District-ah zirna In 122 thlan a ni ta zawk a ni.
He Survey neih tur atan hian Serchhip-a DIET Principal chu Coordinator-ah ruat niin Field Investigator atan Serchhip DIET-a Training nei mek te leh District chhung khaw hrang hranga Private School-a zirtirtute hman an ni a, he Survey hi India rama khawi State-ah pawh zirlai, pawl inang ten a hniam berah ‘Hei tal hi an thiam tur a ni’ tih chin bithliah theihna tur a ni a. Tunhma lamin India ramah Minimum Level of Learning chu kalpui \hin a ni a, hetah hian zirlaite chu an pawl zat mil zelin an zirchhuah tur duan a ni a. Amaherawh chu hei hi a \ha tawk tawhlo nia hriatna a awm avangin Ministry of Human Resource Development chuan ‘Learning Out Comes’ duangin he ruahmanna tih hlawhtlin a nih theih nan hian he Survey hi neih a ni ta a ni. National Achievement Survey-ah hian Class khat-a zirlaite chu zawhna thuhmun chhantir an nih bakah an mahni mimal dinhmun hriat theih nan kawmna te neih a ni bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.