Rural Homestay chungchang zirhona neih a ni

New Economic Development Policy 2016-17 hnuaia hmalakna, Tourism Department leh ICFAI University Mizoram \angkawp buatsaih ni hnih awh tur Capacity building and Rural Homestay Training Programme chu nimin khan Champhai-ah neih \an a ni.

He training hi kumin May ni 31-a NLUP Implementing Board Chairman, JH. Ro\huama hova Champhai District chhunga Rural Homestay Scheme kalpui dan tur chungchang meeting neih tak bawhzuina leh hmalakna kal zel a ni a. He hun hmanpuitu Champhai District Addl. DC, Lalsangpuii Hmar chuan NEDP kaltlanga sorkarin Mizoram-a Rural Homestay Scheme hmasa ber Champhai District-a kalpui a tum chu lawmawm a tih thu sawiin, Champhai District chu pipute sulhnu pawimawh tak tak awmna a nih avangin hmalakna tur hmun duhawm leh remchang tak a nih thu a sawi a. Hemi kawngah hian mipui, sorkar leh khawtlang an \anrual a ngai dawn tih sawiin, Rural Homestay chu mahni In-a man chawia khualzin thlen anih thu leh khualzin ten hnam nunphung leh ziate an hmuha an hriat ve theih nana ruahman a nih thu a sawi a. Khualzinte hipna leh eizawnna anih mai bakah hnam ziarang leh nunphung chawisanna hmanraw \angkai tak anih thu a sawi bawk.

Homestay hi a awmzia ber chu khualzinte a khaw mi ten khual \ha anga mahni In-a an lo thlen hi a ni a. Mikhualte hi sum chawiin a khaw mite In-ah an thleng anga, thlen chin bithliah a awm lova, zankhat a\anga a thla ang zawng pawhin an cham thei dawn a ni. Rural Homestay Scheme hnuaiah hian Champhai hi Pilot District niin khaw paruk – Vangchhia, Dungtlang, Vaphai, Zokhawthar, Hnahlan leh Chawngtlai khua te thlan an ni a. Heng khuaah hian chhungkaw thlanchhuah (Homestay Partner) ten mikhual thlenna tur pindan/In sa in mikhual an thleng thei ang a, heng khuaah te hian riahchilha an ram chhehvel fang tur leh an nunphung leh khawsak anga va khawsaa hun va hmang thei turin ruahmanna siam a ni.