Ramchhung hmundangte rualin Serchhip-ah Electoral Roll Special Drive neih tan a ni

Nimin a\ang khan rampumah Electoral Roll Special Drive neih \an a ni a. He Special Drive pual hian Serchhip District chhunga BLO te pawhin an bial chhung \heuha ruahmanna awm sa angin hma an la dawn a ni.
Nimin a\anga rampuma Electoral Roll Special Drive neih tur pual hian nimin khan Serchhip District chhunga Booth Level Officer (BLO) te chu Serchhip DC’s Conference Hall-ah kokhawmin he Special Drive chhunga an hmalak dan tur hrang hrang zirtir an ni a. He hun hi Serchhip District Election Officer, Sangchhin Chinzah chuan hmanpuiin India ram chu Democracy kan nih avangin kan ram hruaitu tur thlanna chu dik tak, felfai leh thianghlim taka neih a nih theihna turin Electoral Roll dik leh felfai, Vote nei thei zawng zawngte hming chuanna neih a pawimawh thu a sawi a. Electoral Roll-a hming chuang thei zawng zawngte chu Roll-ah hian an chuan vek a pawimawh thu sawiin, hemi atan hian Continues Updation kalpui reng a nih bakah kumin chhungin Special Drive kalpui a nih tawh thu leh Summary Revision neiin tunah Special Drive neih leh a nih thu a sawi a. Heng te hi BLO te pawhin ninawm ah ngai lovin, Democracy bul\hut atana thil pawimawh a ni tih hre reng turin a chah a, Electoral Roll dik leh felfai a awm theih nan hian BLO te chu mi rintlak an nih thu leh an khua leh Veng-ah anmahni aia rin tur dang an awm chuanglo tih a sawi bawk.
Nimin a BLO te tana Training buatsaih hi Election Officer, Abraham Beirazi Khithie, MCS chuan kaihruaiin ani hian BLO kalkhawmte chu zirtirna a pe nghal a. He huna tarlan a nih dan chuan he Special Drive hi Nov. 15 a\anga tun thla ni 30 thleng neih tur a ni a, he Special Drive in a tum ber chu Vote nei thei te a tam thei ang ber Electoral Roll-a thun a ni a. Special Drive neih chhung hian BLO zawng zawngte chu an bial chhunga In tin leh chhungkaw tin te tlawhchhuak tura tih an ni a. Heng an tlawhchhuahna ah hian Electoral Roll-a chuang tawh te hming list siamin hemi hnu hian kum tling si, Electoral Roll-a la chuanglo te hming list an siam leh anga. Chumi hnu ah nakum (2018)-a Electoral Roll Special Summary Revision neih huna Electoral Roll-a thun thar tur, Jan. 1, 2019-a kum tling turte list an siam leh ang. Hei bakah hian BLO te hian Overseas Electoral List an siam leh bawk anga, Overseas Indian zingah Electoral Roll-a hming la chuanglo te list pawh an siam leh dawn a. An bial chhunga Polling Station chu a nihphung kumchang lain, Polling Station \ha tawklo leh siam\hat ngai a awm chuan a thlakna tur an ngaihtuah nghal dawn a, an bial chhunga Post Office dinhmun kimchang pawh an la nghal ang. Nimin a BLO te tana training buatsaih ah hian Serchhip District chhunga BLO te bakah ERO leh AERO te pawh an tel a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.