Naupang tana hmalak dan tur rel

District Child Protection Unit (DCPU) Serchhip buatsaihin naupangte venhimna leh an dikna humhalhna kawnga thawktu hrang hrangte chuan nimin khan an hnathawhna kawngah \ha zawka hna thawh a nih theih dan tur chungchang sawihona an nei.
Social Welfare Department hnuaia District Child Protection Unit (DCPU) Serchhip in naupangte venhimna leh an dikna chung-chang sawihona an Office-a an buatsaih hi District Child Protection Officer, Lalsiampuii chuan kaihruaiin he hunah hian Child Welfare Committee (CWC), Juvenile Justice Board (JJB) leh Special Juvenile Police Unit (SJPU) Member te an tel a. He hunah hian DCPO, Lalsiampuii chuan tunhnaia Village Level Child Protection Unit te tana hnathawh dan tur inhrilhhriatna hun an hman zawh taka VLCPU ten an hnathawh kal mekah \ha zawk tura rawtna an sawi hrang hrangte enzui tur leh chak zawk leh \ha zawka hna an thawh zel theihna tur atan he inkawmhona hi neih a nih thu a sawi a. He hunah hian Statutory body hrang hrang ten an hnathawh dan te sawiin, harsatna an neih te pawh an sawi bawk a, a sutkian dan tur te pawh sawiho a ni bawk.
He huna tarlan a nih danin Serchhip District chhungah hian April 2012 a\anga nimin thlengin Child Welfare Committee (CWC) in case 331 an nei tawh a, Juvenile Justice Board (JJB) in case 130 an buaipui tawh bawk a ni.
Child Welfare Committee (CWC) hi nau-pang venhim leh \anpui ngai te a \ul anga an chungchang ngaihtuahtu ber niin RL. Chhuanawma, Associate Professor, Govt. Serchhip College chu Chairperson niin Member mi 4 an awm a. JJB hi naupang pawikhawih a puh te chung-chang leh hremna pek an nih theih dan ngaihtuahtu niin Principal Magistrate-ah Lalngaihmawia Zote, Civil Judge ruat a ni a, Member mi pahnih an awm bawk. Special Juvenile Police Unit (SJPU) hi naupang kaihhnawih a thubuai hrang hrang Police-a awm te a \ul anga buaipuitu an ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.