MRP hmang diklo man an tam

Serchhip-a Legal Metrology Enforcement Staff ten tunhnaia Serchhip-a Motor Parts leh Electronics leh Electrical parts zawrhna dawr hrang hrang an enfiahna ah dawr 25 zinga dawr 23 ah te Maximum Retail Price (MRP) diklo taka hman a ni tih hmuhchhuah a ni.
Serchhip-a Legal Metrology Inspector, Johny Zonunmawia hnen a\anga thu kan dawn danin Mizoram Legal Services Association (MILSA) General Assembly in Mizoram puma sumdawng ten Maximum Retail Price (MRP) dik taka an hman theih theihna turin MRP thaichhiat, belhnan leh MRP inziaklo-a thil zawrh te enfiah beihpuithlak an rel tih a sawi. He an thurel bawhzui hian Serchhip-a Motor Parts zawrhna leh Electronics leh Electrical Parts zawrhna dawr hrang hrang 25 te enfiahin dawr 2 chauh tihloh ah chuan MRP te hi hman dikloh a nih thu an sawi a. Heng dawr 23 a\ang hian MRP thaichhiat, bel hnan leh MRP inbellohna item chi 127 zet hmuh-chhuah niin, heng te hi an stock nen laksak vek theih an nih laiin a sample tur lain a \ul anga an chungchang hi la ngaihtuah tur a nih thu a sawi.
Tunhnaia Legal Metrology Enforcement Staff ten Serchhip-a dawr an enfiahna ah hian Motor Parts zawrhna dawr 9 enfiahin MRP felfai lo item 57 zet hmuhchhuah a ni a, Electronics leh Electrical Parts zawrhna dawr 16 enfiah zingah dawr 14-ah MRP felfai lo item 70 zet hmuhchhuah a ni bawk a, MRP thaichhiat, bel hnan leh hman dikloh hmuhchhuah awm-lohna dawr pahnih te hi Serchhip Electrical Centre, Serchhip Bazar leh Didik Store, Serchhip Bazar te an ni.
Legal Metrology Inspector chuan MRP aia to zawk-a thil lei te, MRP thaichhiat leh bel hnan bakah MRP chuanna nilo bungrua lei te chuan Cash Memo leh Receipt te lain an hnena thlen \hin turin a ngen a. Thil leitute tel kher ngai lovin anmahni in Dan bawhchhia te chungah a \ul anga hma an lak zui dawn thu a sawi bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.