Mizoram sorkar hnuaia thawk ten 7th Pay hman ve phutin hna an thawk duhlo

Mizoram-a sorkar hnathawk intelkhawm pawl te chuan Mizoram sorkar hnuaia thawk ten 7th Payanga hlawh an lak ve phutin nimin a\ang khan lungawilohna an lantir leh ta. Hetihlai hian PRISM chuan hlawh pun ngiata hna thawk lo, sorkar hnathawk zawng zawngte chu hna thawk turin an ngen.

Mizoram sorkar hnuaia hnathawk inzawmkhawm, Federation of Mizoram Govt. Employees and Welfare (FMGEW) in ruahmanna a lo siam tawh angin nimin a\ang khan Mizoram sorkar hnuaia hnathawk hrang hrangte chuan 7th Pay anga hlawh lak ve ngiata lungawilohna lantirin ‘7th pay Demand Day’ an hmang a. He Demand Day-ah hian sorkar hnathawk te chu Office-ah kalin hna an thawk duh lova, hei vang hian sorkar File khawihchet awm lovin mipuite tan pawh dawr mumal theih an ni lova, mipuite tana harsatna thlen nasa zual thei Emergency Services- Fire, Police, Jail, Damdawi In leh Tui leh Eng kaihhnawih khawihtute erawh chuan Dan pangngaiin hna an thawk thung a ni. Serchhip-a sorkar Department hrang hrangte pawhin he nawrhna hi an thlawp a, Serchhip Bawrhsap Pisa-ah pawh hnathawktute chu Dan pangngai angin Pisa-ah kai mah se hna an thawk thei lo a, mipui tan pawh dawr mumal theih an ni lo a, he nawrhna hi naktuk-ah pawh chhunzawm leh tura ruahman a ni bawk.
Hetihlai hian nimin khan PRISM chuan thuchhuah siamin hlawh pun ngiata hna thawk lo, sorkar hnathawk zawng zawngte chu hna thawk turin an ngen tih an tarlang a. PRISM thuchhuah chuan Mizoram-ah hian 2017-18 budget a\anga chhutin sorkar hnathawk te hlawhah nitin cheng vaibelchhe 8.28 hman a nih thu leh hei hi NLUP dawngtu mi 828 te dawn zat a nih thu tarlangin, Ni hnih (2) chhung hna an thawhloh chuan an hlawh kan chawi thlawn ringawt pawh cheng vbc 16.56 a ni dawn tih an tarlang a. Hna an thawh loh avanga mipuiin harsatna kan tawh leh sorkar hmalakna chawl avanga kan sum hloh tur phei chu a tam hle dawn nia tarlangin, hei vang hian \ha taka hna thawk turin sorkar hnathawk te an ngen a ni.
PRISM thuchhuah chuan Mizoram economy hi a chhe hle tih pawh tarlangin, Sorkar hian hmasawnna hnathawhna tur mai ni lovin inrelbawlna atana hman tur pawisa pawh a indaihlo tih an tarlang a. 7th Pay ang hian Mizoram sorkar hnuaia hnathawk te pek an nih chuan kan sorkar hian a pawisa neih zawng zawng deuhthaw sorkar hnathawkte hlawh leh hnathawktu enkawlnan a hman a ngai tawh dawn nia tarlangin, Hlawh tam zawk nei turin duhsak hle mah se, kan economy in a zawh loh avangin 7th Pay anga hlawh pun hi PRISM Party chuan tihchi-ah an ngai lo tih an tarlang bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.