Mizoram politics kalphung siamtha turin Mizoram-ah ‘PRISM Party’ din a ni ta

Mizorama politics kalphung siam\ha tur leh MLA Inthlanpui lo awm tura mipui nghah leh beisei ang sorkar din tumin 'PRISM Party' din a ni.
Kum 12 chhung Mizoram-a hmasawnna hnathawh a kaltluan theih nana hma lo la tawh, Peoples Right to Information and Development Implementing Society of Mizoram (PRISM) chuan Zirtawpni khan Aizawl-ah Special General Assembly neiin he hunah hian kumin March 22-a an Khawmpui Lian vawi 13-na in ‘Mizoram-a politics kalphung siam\ha tur leh kum 2018 MLA Inthlanpui a\anga Mizoram-a sorkar \ha a din theihnan PRISM in hma la rawh se' tia thu an dah bawhzuina kalzel leh hmalak zel dan tur thlirho a ni a. He Assembly kaihruaitu PRISM President, Vanlalruata chuan kum 12 chhunga hmalakna leh thawhrah te sawiin, “Kan khawmpui hnuhnung ber thutlukna anga politics hawia hma kan lak hian kan Ram leh Hnam tan hlawk zawkin rawng kan bawl thei tih kan thawhrah hmuh theih ten an tichiang a. A hma zawnga kan hmalakna te sorkarin a tihhlawhtlin duh loh avanga kan beidawn rum rum \hin laiin, politics hawia hma kan lak chinah chuan kan nawr lam apiang a hlawhtling ta zel a. Kum tam kan aupuia sorkarin a bawhzui duh ngai loh, August ni 1, 2017-a Election Manifesto kan puan chhuaha kan ziah te kha tunah hian sorkarin chak takin a umzui char char a, a tihlawhtling mek zel a ni,” a ti.
PRISM Special Assembly chuan kan politics kalphung siam\ha tur leh MLA Inthlanpui lo awm tura mipui duh leh nghah, Rorelna Dik leh Sorkar |ha - Ram leh Hnam humhalh ngam; |halai leh \hangthar zel te chhawr tham; Sorkar ruhrel leh inawpna siam\ha ngam; Dan zawma dik taka lekkawh ngam; Langtlang; Eiruk hmang hrem ngam; Mipui nawlpui ham\hatna pe thei; Ram hausakna leh hmasawnna ruhrel dinsa hmang \angkai thiam; Hmasawnna ruhrel din thei leh Sumdawnna awmze neia kalpui thei din turin political party thar ‘Peoples Representation for Identity and Status of Mizoram' an din tih an sawi a. An Party hming lamtawiah hian 'PRISM' an hmang zui dawn a. Hruaitu atan PRISM hruaitu te hman zui an ni dawn tih an sawi a ni.

Popular News

Mizoram-ah Faina Hapta hman \an leh a ni

Retailer bukna diklo 3 man