L&L Football Tournament Kick-Off neih a ni

Serchhip District Football Association buatsaih, Lalsawmliani & Lal Thanchunga Memorial Football Tournament (L&L) chu tun thla ni 21 a\ang khian khelh a ni dawn a, nizan hmasa khan he Tournament Kick-Off leh Tie Draw chu Hmar Veng YMA Hall-ah neih a ni.

L&L Football Tournament Kick-Off hunah hian DFA President, Zomuana Hnamte chuan kum 17 zet hetianga Football Tournament an buatsaih theih nana bialtu MLA leh Chief Minister, Lal Thanhawla te chhungkaw inpekna chu lawmawm a tih thu sawiin, Mizo-ram-ah infiamna lamah harhtharna nasa tak a thleng mek nia ngaih theih a nih thu a sawi a. Sorkar pawhin Sports Infrastructure lamah nasa taka \an lain kan District-ah pawh hmasawnna hmuh tur a awm thu leh Artificial Turf pawh phah tura hmalak mek a nih thu a sawi a. Mizoram-a a hmasa ber ni turin Serchhip-ah Artificial Turf phah tum ni mah se Contractor fuh tawkloh avang leh kawng chhia avangin tun thlengin hna zawh theih ala nih loh thu a sawi a. Sports Complex panna kawng siam nan tunah hian sum ruahman fel a nih tawh thu leh hun reilote ah hna \an beisei a nih thu sawiin, Sports Complex-a mipui \hutna chung khuhna siamna turin cheng nuai 20 a awm tawh thu a sawi bawk a. Nakum March thla a Serchhip District in Inter-District Under-17 Football Championship a thlen tur chu Sports Complex-ah khelh theih ngei beisei a nih thu a sawi bawk.
DFA President chuan Serchhip DFA chu Mizoram District hrang hrangte zingah State pawna player thawhchhuak \ha ber a nih thu pawh a sawi a, India Team-ah pawh players an nei deuh reng tih sawiin, Senior Level-ah Daniel Lalhlimpuia leh Junior-ah Eric-a te an awm mek thu a sawi bawk.
Nizan hmasa a L&L Football Tournament Kick-Off ah hian Club hrang hrang ten an Jersey phochhuakin Team Captain \heuh ten thutiam lain he Tournament \ha tak leh dik taka khel turin thu an tiam a. Hemi hnu hian Tie-Draw neih zui niin he Tournament khel tur hian Team 13 an inziaklut a. Group pathum-ah Team 3 awmin Group pakhat-ah Team 4 an awm dawn thung a, Team tinah hian Town Area pawnlam Team pakhat zel an awm dawn bawk a, nikum a L&L Football-a Semi Final lut chin te chu seeded-ah dah an ni bawk a, Group hrang hranga awm turte chu hetiang hi a ni :
Group A : New Serchhip FC; Leisekawt FC, RM FC, Sialsuk
Group B : AWC FC, FC Serchhip Kawnpui, Keitum FC, Hmar Veng FC
Group C : Vengchung FC; IOC FC; Piler
Group D : Dinthar FC; P&E FC; 1st Bn. Football Academy
Group hrang hrangte hi an intumkual hnuah point hmu sang 2 zelin Quarter Final an lut dawn a, Dec. 2-ah zofel hman tura ruahman a ni bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.