In 2-ah mi tu tih hriatloh lutru

Pathianni zan thimhlim khan Serchhip Ram-thlun Veng-a chenna In pahnih-a misual tu tih hriatloh lutin pawisafai a ruk sak a, hemi chungchang hi Serchhip Police ten ngawrh takin an chhui zui mek a ni.
Thudawn danin Serchhip Ramthlun Veng-a Lalhlana leh Lalhlupuii te In-ah misual hi a lut ru a, heng In pahnih-a misual an luh lai hian In neitute hi an awmloh ve ve bakah inkhawm reh lai a nih avangin a \henawm hnai te pawhin thawm engmah hriat an neilo a ni. He thil thlen hun hi zan dar 6:30 leh dar 7:00 inkar vel niin misual hi Lalhlupuii (Sangliana Hnamte kawm-thlang) In ah an lut hmasa niin a lang a, In neitute Chabi dahna chu hriain an lut niin a lang a, Inchhung a thawmhnaw nasa taka haidarhin T-Shirt leh Perfume a bo nia hriat a ni.
Hemi hnu hian misual hi Ramhlun Veng Lane hnuai bera Lalhlana In-ah lutin, a tui khawihna bula Ventilation a\angin a lut niin a lang a, an mutna pindan lam dapin lukham hnuaia pawisa Rs. 3000/- tlinglo deuh, Purse-a an dah chu a la nia hriat a ni a, he In-a a awm lai hian In neitute leng haw thawm hriain Mut pindan lam tukverh a\angin a zuangchhuak nia hriat a ni a, helai hnaia awm ten zawng zui mah se engmah hriat belh an neilo a, nimin zing khan Lalhlupuii te In a\anga T-Shirt bo hi Lalhlana te In bulah hian hmuh a ni leh bawk. He thil thleng hi Serchhip Police te hriattir nghal niin a hmunah an enfiah nghal a, pawi-khawihtu hi ngawrh taka chhui zui nghal an ni.

Popular News

Mizoram-ah Faina Hapta hman \an leh a ni

Retailer bukna diklo 3 man