ILP neilo an lo lut nasa tih sawi

MNF |halai Hqrs. hruaitute chuan Mizo-ram chhungah hnam dang ILP nei lo an lût nasa hle niin an sawi.

Nimin a Aizawl Press Club-a thuthar thehdarhtute an kawmna MNYF Hqrs. Vice President, H. Ramdinliana chuan he thu hi sawiin MNYF Hqrs. chuan report an dawn bawh-zuiin Serkhan to Bagha Road-a Cachar ramri bul, Saiphai Police Check Gate-ah hnamdang Inner Line Permit (ILP) neilo te Police Check Gate-a pawisa pe-a nitin zalen taka Mizoram an lo lut \hin nia sawi chungchang chu an enfiah thu leh hei hi thudik a ni tih an hriatin pawi an ti tih sawiin, a \ul anga hma la turin Mizoram sorkar an phûtthu a sawi.

MNYF hruaitute sawi danin Saiphai Police Check Gate-ah hian Auto Rickshaw leh lirthei dang Mizoram-a lo lutte chu Driver-te’n a chuang zawngte tan a hlãwmin Police kutah pawisa an pe \hin a, Truck lianin cheng sang tel an chawi tih hriat a ni bawk tih sawiin, Mizoram pawn a\anga bungraw lo lut leh Mizoram chhung a\anga bungraw phurh chhuahte chu phalna nei lovin engtiklai pawhin zalen takin an kaltlang reng tih hriat a ni tih an sawi a. Hetia lo lutte hi phalna nei lovin Saiphai Bazar-ah leh Bilkhawthlir, Kolasib thlengin an sumdawng \hin tih an sawi a, hei bakah hian hnamdang ILP nei lo lo lut tam tak chu Serlui leh Tuirial lui ruam ah te lutin Mizo-ram thing leh mau an la a, Cachar lamah an tawlhthla \hin a. Thing pawh an zai nasa a, thingzai an phur chhuak tam hle bawk tih an sawi.

MNYF Hqrs. hruaitute chuan Saiphai Police Check Gate-ah hian Police pathum an duty a, thlatin an inthlak \hin tih sawiin, Saiphai Police duty-te hian Aizawl lamah report pein, Check Gate paltlanga dân lova hnamdang lo lut an awm loh thu an thlen \hin tih hriat a ni bawk tih an sawi a. Heti tak maia Saiphai Police Check Gate leh a chhehvela thil \ha lo tak mai thleng mek chu hnam pawi khawihna lian taka ah ngai tih an sawi bawk.