Hawla hekna Dan hnuaia thu tlinglo nia sawiin, A ram neih dan MPCC in an sawifiah

Mizoram Pradesh Congress Committee (MPCC) Media Department chuan Election Commission ofIndia-a an President, Chief Minister hekna chu Dan hnuaiah thu tlinglo niin an sawi a. An President, Lal Thanhawla’n Kolkatta-a ram a neih dan chu an sawifiah bawk.

MPCC Media Department chuan nimin khan thuthar thehdarhtute kawmin an Party President, Chief Minister ni bawk, Lal Thanhawla’n kum 2013 State Assembly Election-a Affidavit diklo (False Affidavit) hmanga inthlan chuh anga hekna hi sawifiahin, kum 2011 April 13 khan West Bengal Communist sorkar chuan West Bengal Housing Infrastructure Development Corporation (HIDCO) Chairman quota-in India a mi langsar zual, Film Star-te, Sports lama hminglar te, IPS-te, High Court Judge-te leh Politician thlan bikte hnenah Kolkata khaw pawna Satellite Township, New Town-ah Inhmun engemawzat a sem a. Chung zingah chuan Lal Thanhawla pawh telin ani hian he Inhmun an pek hi kum 2013 khan tihfel thawkhat chauhin a tifel a, August 30, 2013 khan West Bengal Housing Infrastructure Development Corporation nen 'Deed of Conveyance' sign-in Tax neuh neuh leh chawi tur ngai Rs. 17,61,760/- a pek hnuin New Town a ram ruak pakhat chu a hmingin a awm ta tih an sawi.
Hetianga a hminga a awm hnu hian Lal Thanhawla hian neitu nihna tak tak a la nei thei lo nia sawiin, Neitu nihna tak tak nei tur chuan New Town Kolkata Development Authority hnuaiah inziahfel a ngai a, he a neitu nihna tak tak hi kum 2013 Mizoram Assembly inthlan zawhfel vek hnu, July 25, 2014-ah tihfel a ni chauh nia sawiin, hei hi tihfel a nih theih nan Hearing nei turin April 22, 2014 khan amah hi koh a ni chauh tih an sawi.
MPCC chuan an President hektu hian A ram neih dan chungchang a zawh hian neitu nihna famkim New Town Development Authority hnuaia hming thlak/tihdanglam a tihfel hun leh ni te pawh a la chhuak tel vek nia sawiin, hei hi sawi tel duh lovin mipui fuihpawrh zawngin a che tih an sawi a. New Town Development Authority-ah hian hming hi thlak fel hma chuan he Inhmun ah hian Lal Thanhawla hian kut a thlak thei lo nia sawiin, hei vang hian neitu a nihna hi a la famkim lo niin an sawi a. Hei bakah hian he ram an pekah hian kut a thlak thuai loh chuan chhuhsak leh theih emaw, luahlan theih emaw a nih avangin In hi a theih ang anga sak a lo ngai ta niin an sawi bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.