District Re-organisation Committee report thehlut tawh

Mizoram-a District awmsa te dinhmun zirchianga tih danglam ngai a awm pawha rawtna siamtu atana din, District Re-organisation Committee chuan sorkar-ah a report a thehlut tawh.
GAD changtu Chief Minister, Lal Thanhawla sawi danin District Re-Organisation Committee hi nikum June ni 16 khan Chief Secretary kaihhruaina a din a ni a, kumin July ni 17 khan sorkar-ah report an thehlut tawh. District Re-Organisation hna leh tihtur bitukte chu District leh Sub-Division te ramri enfiah a tihdanglam ngai a awm chuan rawtna siam bakah District thar siam rawtna te enfiah a, \ul leh \ha a tih anga District thar siam leh a ramri tur rawtna siam a ni a. Hei bakah hian sorkar inawpna anga District ramri siam leh department \henkhat Division ramri huamchin inhmetrem tura ruahmanna siam a tel bawk.
He Committee hian District thar din tura rawtna awmte chu Assembly bial leh Sub-Division awm thei zat tur leh ramri kham dante ngun thluk takin a ngaihtuah a. Mizoram state sorkar inrelbawlna atana mamawh dan ngun taka en a ni bawk. District atana September ni 12, 2008 a lo puan tawh- Khawzawl, Hnahthial leh Saitual chungchang pawh District Re-Organisation Committee hian  a ngaihtuah a, rawtna a siam bawk a. Heng District atana puan tawh bakah hian Kamalanagar District siam tura dilna leh District thar din tura ngenna dang \hahnem tham tak dawn dangte pawh Committee chuan a ngaihtuah a. Mipuite leh ram hmasawnna atana a \angkai dan turte leh sum sen ngai hrang hrangte a ngaihtuah hnuah rawtna a siam a. Rawtna a thehluhte hi sorkar chuan a ngaihtuah zui mek niin Chief Minister chuan a sawi a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.