CM in Rel kawng chungchang NERF hotute sawipui

Chief Minister, Lal Thanhawla chuan niminpiah tlai khan a chenna In-ah North East Frontier Railway (NEFR) General Manager (Construction), NK Prasad leh a thawhpuite kawmin Mizoram chhunga Rel kawng phah mek chungchang a sawipui.
He an inkawmna ah hian Chief Minister, Lal Thanhawla chuan NK. Prasad leh a thawhpuite chu an hmalak mekah an theihtawp an chhuah nia a hriat thu sawiin, sorkar leh mipuiin an thlawp tlat thu a hrilh bawk. North East Frontier Railway (NEFR) hotute chuan Bairabi leh Sairang inkar Rel kawng siam mek a leiverh tur 23 zinga 22 chu an verh tlang tawh tih sawiin, harsatna dang an tawklo a nih chuan kum 2020 March thla chhungin Bairabi a\anga Kawnpui thleng Rel kawng an phah zawh hman tur thu an sawi a; Kawnpui leh Sairang inkar Rel kawng pawh kum 2020 December thla chhungin an phah zo hman dawn niin an insawi a ni. KM 272 a thui, Sairang to Kawrpuichhuah Rel kawng siam dan tur pawh zirchianna an neih tawh thu leh Survey pawh zawh a nih tawh thu an sawi a. Kawrpuichhuah to Lawngtlai Rel kawng project pawh bawhzui thuai a nih tur thu Chief Minister chu an hrilh bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.