Chief Minister, Lal Thanhawla hovin MZU Convocation vawi 12-na neih a ni

Mizoram University (MZU) chuan Vawiin khan an zirlai Exam-a hlawhtling te hnena degree hlanna hun, MZU 12th Convocation chu MZU Multipurpose Hall-ah an hmang a. He hunah hian Mizoram Chief Minister, Lal Thanhawla chu khuallian niin Mizoram University Vice Chancellor thar, Prof. KRS Sambasiva Rao pawhin a hmanpui a ni.

Nimin a MZU Convocation-ah hian Chief Minister chuan kum 17 chhung lekin Mizoram University chu University puitling, India rama zirna In \ha fal zinga mi - Campus chhunga Nizung chakna hmanga power hman tur siam chhuah kawnga h te, Laboratory changkang bik neih kawngah te leh Information & Communication Technology hmanga Classroom siam phuisui kawngah phei chuan hmahruaitu zinga mi a ni, a ti a. MZU in Direct Benefit Transfer (DBT) kalpui a tum chu a chhuanawm a tih thu sawiin, Research huanga MZU hlawhtlinna tam tak zingah Physics hnuaia EPEN Nuclear Code leh Biotechnology hnuaia Cancer Research a hlawhtlinna chungchang bik phei chu inchhuanna tham a ni, a ti. Chief Minister chuan MZU chu kawng tam taka a hlawhtlinnaah te lungawi mai lova hmasawn leh zual tuma ke a pen zel a ngai a ni, a ti a. MZU hlawhtlinna ah Zirtirtu, zirlai nu leh pa te leh Zirlaite chungah lawmthu sawiin, Zirlai te chu mithiam pui pui an lo nih hnu thlenga an nungchang hlauhlo tur leh in ngaihtlawm a, hawihawm reng turin a chah bawk. Ram hmasawnna ngaihtuahin sorkarin theihtawp chhuahin hna a thawk mek zel tih Convocation chhimtute hmaah sawiin Chief Minister chuan Mizoram in a mamawh tam tak zingah sorkar leh mipuite thawhhona hnuaia kalpui chi Skill Development chu dah pawimawh zual a nih thu a sawi bawk.
He hunah hian MZU Vice Chancellor thar, Prof. KRS Sambasiva Rao pawhin kawng hrang hranga MZU hlawhtlinna te sawi langin chak zawka hmalak a nih tur thu te leh MZU in zirna huang zinga a thlur deuh bik tur te a sawi a. Mizoram  sorkar  leh MZU thawhhonna \ha tak chu chhunzawm zel a ni anga, Research ngaih pawimawh a ni anga, company lian deuh te pawh thawhpui tum a ni anga, MZU chu India hmarchhak bial bakah India ram chhunga zirna In \ha ber zingah hlankai a nih theih nan \an lak a ni zel dawn tih a sawi bawk.
MZU Convocation  vawi 12-na hi Vice Chancellor remtihna in MZU Registrar Pu C. Zothankhuma'n a hawn hnuah hun hman a ni a, Chief Minister, Lal Thanhawla'n Ph.D Degree dawngtute hnenah Degree Certificate a sem a, M.Phil Degree nei thar te hnenah Vice Chancellor,  Prof. KRS Sambasiva Rao chuan Degree Certificate a sem a, Gold Medal dawngtute chu Prof. Lianzela'n Medal a sem a, Prof. J.K. Patnaik hnen a\angin Book Prize dawngtuten lawmman an dawng thung a ni.
MZU 12th Convocation-ah hian Vice Chancellor  Prof. KRS Sambasiva Rao chuan zirlai hlawtling 6970 hnenah Degree a pe (Conferred) a; heng zinga 1614 hian Convocation an chhim a ni.  Degree nei zingah Gold Medal 88, doctor of Philosophy 58, Master of Philosophy 39, MA 298, MSc 287, MSW 34, M.Com 26, MBA 30, Master's Degree (MJMC) 19, Master's Degree (Lib & Info.sc) 31, B.Tech 33, M.Ed 10, MCA 14, BA 395, BSc 203, LLB 1, Bachelor of Social Work 1, B.Ed 29, BBA 26, RIT 2 leh BCom 78 te an ni.
Mizoram University hi kum 2000 khan Act of Parliament hmanga din a ni a; tunah hian National Assessment and Accreditation Council (NAAC) in Grade'A' ah a dah mek a ni. Tunhnaiah khan National Institutional Ranking Framework (NIRF) chuan India rama Zirna In 3000 chuang a thlanchhuah zingah Zirna In \ha ber 94-na ah MZU hi a dah a; Kumin chhunga Universities 700 a thlanchhuah zingah 58-na a ni mek bawk a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.