Cheng nuai 122 seng Serchhip khua a Education Complex sak Chief Minister in a hawng

Serchhip AOC Veng-a School Education Complex Building sak thar chu nimin khan Chief Minister,Lal Thanhawla chuan a hawng a. He Building sak thar lawmna hi P&E Veng YMA Hall-ah neih chhunzawm niin Chief Minister chuan Zirtirtute chu kawng engkim ah Zirlaite tan ‘Role Model’ nih tum turin a chah.

Serchhip-a School Education Complex hawnna inkhawm ah hian Chief Minister, Lal Thanhawla chuan Serchhip leh a District chu sorkar Department hrang hrang ten an duhsak hle nia a hriat thu sawiin, heng duhsakna a dawn hrang hrangah hian a bial mipuite pawhin lawm nachang an hriat a \ul thu a sawi a. Education chu ram \hanna tura rahbi pawimawh tak a nih thu sawiin, hei vang hian an sorkar term hmasa ah pawh Education Reforms Commission te dinin he Commission hian rawtna hrang hrang \ha tak tak siamin hei hi mithiamte pawhin \ha an tih thu a sawi a. Amaherawh chu heng rawtna te hi ti hlawhtling vek turin cheng vbc. 700 vel mamawh a nih avangin a vaia tih hlawhtlin vek ala harsat thu a sawi a. Sorkar chuan kan ram dinhmun milin, bawhzui hmasa tur leh kan mamawh te thirin tunah hian tam tak chu tih hlawhtlin a nih tawh thu a sawi bawk.
Chief Minister chuan sorkar hna chu mahni duhna hmun chauha thawh tur a ni lo tih pawh sawiin, hetianga mahni duhna hmun chauha thawh tum te avang hian sorkar lu chu a hai \hin hle tih a sawi a, Zirtirtu indaihlohna pawh sorkar-a awm ten an hria tih sawiin, theihtawp chhuaha chinfel tum a ni chungin duh anga chaka hmalak theih a nih loh thu a sawi a. Serchhip District chu tunhma lamin a chhe zawngin rampuma Cancer tamna ber ti-a hriat a nih hnuah tunah chuan kum 2011 Chhiarpui-ah rampuma ziak leh Chhiar thiam tamna tia hriat a nih tawh thu pawh sawiin, hei hi vawngnung reng tura \an lak a \ul thu leh Zirtirtute chu kawng hrang hrangah Zirlaite tan Role Model ni turin a chah bawk.
School Education Department Commissioner leh Secretary, Esther Lalruatkimi kaihhruai he hunah hian Khual zahawm, School Education Minister, H. Rohluna chuan School Education Department chu Department upa tawh tak a nih thu sawiin, Infrastructure lama nasa taka an lo tlakbal tawhna leh an mamawh te hriaa Chief Minister hmalakna azarah hmasawnna tam tak tunhnaia an neih thu a sawi a. Serchhip-ah pawh DIET Building thar chu hawn mai theih tura peihfel a nih tawh thu a sawi bawk.
He hunah hian Minister of State leh Hrang-turzo bialtu MLA ni bawk, Vanlalawmpuii Chawngthu pawhin thu sawiin Politician te chu ro inrelchhawk an nih avang leh sorkar hnathawk te chu pension thlenga thawk tur an nih avangin hmasawnna tura an pawimawhna hre reng turin a chah a. An hna chu hlawh hmuhna atan chauh hmang lo tur leh naupang ten an zirna bakah nundan leh awmdan mawi an neih theihna tur thlenga zirtir turin a chah bawk.
Kum 1994-ah Serchhip-ah Sub-Divisional Education Officer (SDEO) hawngin kum 2002-ah District Education Officer (DEO) Office hawn leh a ni a, kum 1998-ah Serchhip chu District-ah hlankai niin Education Department ram chu DC Office hmun atan lain hun engemaw chen Department in mimal In te luahin Office kalpui a ni a. Kum 2014-2015 ah sorkar chuan Special Central Assistance hnuaiah Education Complex sakna atan cheng nuai 122 ruahman in Tender chhuah a nih hnuah Lushai Engineers te chu a sa turin thlan an ni a. Oct. 20, 2015-ah a lungphum chu Chief Minister hian phumin kum 2 chhunga sak zawh tura tih a ni a, kum 2 a tlin hma, kumin May 29 khan sak zawh a ni.
He building thar hi Mizopa Chhiara chhawng li (4) niin a hnuai ber, NH. 54 an chu Garrage a ni a, a chung chiah ah Canteen leh Chokidar Quarters awmin a chhawng thumna-ah SDEO Office a awm anga, a chung berah DEO leh RMSA Office a awm dawn bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man