Buhfai chhia pekchhuah tum?

MNF |halaite chuan Zuangtui Kudam-a buhfai ei tlak loh, mipuite hnena semchhuah loh tura hnawl (reject) nia an sawi buhfai Ip \hahnem tak, West Phaileng Kudam-a dah tura Motor (Truck)-a hlan chu an nangching tih an sawi.
Hemi chungchanga nimin a MNF |halai ten thuchhuah siama an tarlan danin Nov. 2, 2017-a Zuangtui Kudam an tlawh \uma thuchhuah siama an lo tarlan tawh bawhzuiin niminpiah tlai khan Zuangtui Kudam hi tlawh lehin buhfai ei tlak loh, mipuite hnena semchhuah loh tura hnawl (reject) nia an sawi buhfai ip \hahnem tak, West Phaileng Kudam-a dah tura Motor (truck)-a an hlang lai chu an nangching nia sawiin, hei hian a barakhaih thu leh buhfai \halo te hi an dahthlaktir leh vek tih an sawi a. MNF |halaite chuan Buhfai \halo te mipuite ei tura sem tum luih zel a ni chuan Congress sorkarin mipui a zahloh zia leh a pawisak loh zia a tilang chiang hle-a an hriat thu pawh sawiin, buhfai ei tlakloh te dah bo (reject) lova mipuite hnena sem chhuah a awm \hin ngei a ni tih finfiahna ah an ngai tih an tarlang a. He Kudam-a buhfai \halo awm zawng zawng hi tunkar chhung ngeia la bo tura sorkar chu phut nawn lehin, Zoram mipuite'n buhfai \ha leh ei tlak chauh kan dawn theih nan sorkar hmalakna an thlir zui zel dawn tih an sawi bawk.
MNF |halaite chuan Zuangtui Kudam-a buhfai \halo an dah danah Dân kalh a awm ngei ni a an ngaih thu pawh sawiin, 'Warehouse Manual for Operationalizing of Warehousing (Development & Regulation) Act, 2007 (37 - 2007) Chapter XI, Section 3 clause(II) sub-section (d)'-ah chuan bungrua \halo te chu dah hrangin a pang-ah 'not for issue' tia chhinchhiah vek tur a nih laiin he Kudam-a buhfai chhia ip \hahnem takah hian hetianga inziak engmah a awm lo tih an sawi a; Buhfai te hi chhawng 16 aia sanga chherchhuan loh tur a nih laiin he Kudam enfiah lai hian buhfai chhia hi ip sawm thum (30) dawna sangin an chhawr bawk tih an sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man