Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Wrestling intihsiakna ah Serchhip District 3-na ni

Mizoram Inter-District Open Wrestling Championship vawi 2-na chu nimin khan Kolasib-ah zawhfel a ni a, a thlengtu Kolasib District chu Team Champion niin Serchhip chu 3-na an ni.

Ni thum chhung awh Mizoram Inter-District Open Wrestling Championship-ah hian Kolasib District hian Gold 8, Silver 10 leh Bronze 7 lain a pumpuiah Medal 25 lain pakhatna an ni a, Aizawl District in Medal 18, Gold 7, Silver 5 leh Bronze 6 lain pahnihna an ni a, Serchhip District chuan Medal 16 laa pathumna niin Gold 6, Silver 4 leh Bronze 6 lain pathumna an ni bawk. He Championship-ah hian Remlalnghaka, Chanmari Veng Serchhip chu Mipa-ah Most Promising Wrestler-ah thlan a ni a, Lalrinfeli, Kolasib chu hmeichhe lamah thlan a ni ve bawk.

Serchhip a\anga kal zingah hian Raymond Lalthansanga, Chanmari Veng, Vanlalruata Vengchung, Lalnunkima, AOC Veng leh Vanlalbiakdiki, Chhim Veng te chuan Gold Medal an la a, Remnalalnghaka., Chanmari Veng chuan Silver Medal lain Lalramthara, Chanmari Veng, Rosangzuala, Chanmari Veng, Andrew Lalchhantluanga, Dinthar leh Lalrinliana, Dinthar veng ten Bronze Medal an la bawk a ni. Hemi ruala inelna neih dang Mizo Insuknawr-ah Raymond Lalthansanga, Chanmari Veng chu pathumna niin Mizo Inbuan, Pa laihawl Category-ah Mizoram champion nihna a hauh bawk a ni.

Comments

Popular News (Last 30 Days)