Vawiin atangin School tan hun tlai

Mizoram sorkar in ruahmanna a siam angin Vawiin, Oct. 16, 2017 a\ang hian zirna In hrang hrang te kai hun chu darkar chanve-a tih tlai a ni dawn a, hei hi nakum February ni 16 thleng hman tur a ni ang.

September 21, 2016-a Council of Ministers meeting-in thutlukna an lo siam angin, Mizoram School Education department chuan tunhnai khan Academic Session kal meka Thlasik chhunga sikul kai hun tur a tichhuak a. Thlasik chhunga sikul kai hun chungchanga hriattirna (notification) hi October 10, 2017 khan School Education Secretary chuan a tichhuak a; School kai hun bithliah hi sorkar Sikul, Deficit Aided, Adhoc Aided, Lump-sum Grant leh Private sikul zawng zawngte chu zawm tura hriattir an ni.

Academic session 2017-18 Thlasik chhunga Primary School, Middle School, High School leh Higher Secondary School-te tana sikul \an hun chu zing dar 8:30 a ni anga a; bàn hun chu Primary School tan chhun dar 1:30, Middle School tan chawhnu dar 2:30 leh, High School leh Higher Secondary School tan tlai dar 3:00 a ni ang.