Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Tuirial HEP hman loh a hlawk zawk niin ngai

BJP Mizoram Pradesh chuan Tuirial Hydro Electric Power chu hman loh kan \hatpui zawk niin an sawi.
Nimin a thuchhuah siama an tarlan danin BJP Mizoram Pradesh chuan kum 1998-a Prime Minister, AB. Vajpayee hunlaia kawlphetha MW 60 pchhuak thei tur Tuirial Hydel Project hna bul \an tawh, kum 19 hnu, kum 2017-a hman theih anih \ep tawh thu puan a ni chauh chu mak an tih thu tarlangin, Lal Thanhawla kaihhruai Congress sorkar hunlaia Estimate Revised nasat avang leh Chief Minister hlui, Zoramthanga kaihhruai MNF Sorkar (1999-2008) hunlaia Compensation uchuak taka pek anih vanga Zoram rotling tur chhe ta vek chu Mizoram tan thil pawi tawpkhawk a tling tih an tarlang a. State pawn a\anga Power Unit khat Rs. 4.25 a kan lei theih laia kan ramchhung ami Unit khat Rs. 8.44-a kan lei tur thu pawh tarlangin, India rama Hydro Power siamchhuah manto ber kan hmang tur chu miretheite tan bawk phurrit a ni dawn tih hriain, Turial Hydel Power hi hman loh kan \hatpui zawk dawn tih mipuiten lo hria se an duh thu an tarlang a ni.
BJP Mizoram Pradesh chuan kawl-phetha MW 60 pechhuak thei tur Tuirial HEP atan hian Estimate cheng vbc. 368.72 ruahman a nih thu leh vawihnih revised a nih hnuah meuh chuan cheng vbc. 1381 a lo tling ta tih tarlangin, India ramah Hydro Power siamchhuah manto ber a nih tawh dawn mai bakah India ramah Hydro Power siamna senso tam ber a ni bawk tih an tarlang a ni.
Tarlan tawh angin kar kalta khan Aizawl a MJA Member \henkhat te chuan Tuirial HEP hi a hmunah tlawhin helai hmuna hnathawktute chuan he Project-a hna thawh ngai te chu tun thla chhunga thawk zovin hawn hman an beisei thu an sawi a, tunah hian Civil Work te chu zo in khawl pahnih vuah turah pakhat chu an vuah zo tawh bawk a ni.

Comments

Popular News (Last 30 Days)