Serchhip News thenkhat :

Comedian lo haw hmuak :

LPS Cable TV in Comedian Search a buat-saih zawhfel taka lawmman pahnihna dawngtu, H. Malsawmtluanga, Serchhip Sailiam Kawn chuan nimin khan Serchhip rawn thlengin ropui taka lo hmuah a ni a. H. Malsawmtluanga hi lir-thei chi hrang hrang hmangin Chhiahtlang dai ah lo hmuah a ni a, kawng zawhpui niin hemi hnu hian LM M/S Tual-ah amah lawmna leh chawi-mawina hun hman zui a ni a, pawl leh mimal \ha-hnem takin thilpek an hlan a ni.


Jubilee lawmna nei kal zel :
Serchhip Darnam Branch YMA kum 25 tlinna, Silver Jubilee lawmna, nizan hmasa a\anga neih chu nizan thleng khan chhunzawm niin nimin khan Sports neiin nizan khan Zo Zan hman a ni a. Vawiin ah nilengin Jubilee lawmna hi neih tura ruahman a ni a, Souviner tlangna te neiin tlai lamah Jubilee lawmna ruai kilho nghal a ni ang.

MJA ten \hutkhawm nei :
MJA Serchhip District chuan nimin khan an Vice President, C. Ramengmawia te In-ah Executive Meeting neiin tunkar Zirtawpni, Oct. 13-a MJA Serchhip dinchampha vawi 17-na lo thleng tur pualin Agriculture Department ten Zawlpui Phai-a Purunsen an chinna hmun chu tlawh tum nise an ti a. An Member boralta, PC. Zonunsanga, Editor Thenzawl Today chu Mi-zoram sorkar in tunkar Ningani-a Ex-Gratia a hlanna hunah Member a thei thei ten \awiawm nise an ti bawk.

Chhawmdawlna sem dawn :
Kumin Fur ruahtui tla avanga Mizoram hmun hrang hranga chhiatna tawk te tana Central YMA in Vehbur a khawn chu Vawiin hian Fur ruahtui tla avanga vanduaina tawk te hnenah semchhuah a ni dawn a. Vanduaina tawkte tana Vehbur khawn semchhuahna hun hi Aizawl-a Central YMA Office bakah Sub-Hqrs. YMA leh Group YMA \huthmun ah te a ruala neih tur niin Serchhip-ah pawh Vawiin chawhnu dar 2:00 hian Serchhip Sub-Hqrs. YMA Office-ah chhawmdawlna hi sem tur niin chhungkaw 7 hnenah sem a ni ang.

Popular News