Serchhip District Volleyball Championship khelh \an a ni

Serchhip District Volleyball Association buatsaih Serchhip District Volleyball Championship chu nimin khan Vengchung Volleyball Court-ah khelh \an a ni a, Serchhip Sub-Hqrs. YMA President, R. Sanghmingthanga chuan khuallian niin a hawng a ni.
Serchhip District Volleyball Championship hawnna hunah hian Khuallian, Serchhip Sub-Hqrs. YMA President, R. Sanghmingthanga chuan Serchhip District chu India rama District hrang hrangte zingah a mi cheng zat a\anga chhuta ziak leh chhiar thiam tamna ber a nih thu sawiin, kumin ah pawh zirna lamah hlawhtling tam tak an awm thu leh inelna dangah te pawh hlawhtling tam tak an awm thu a sawi a. Amaherawh chu infiamna lamah erawh rampum huapa hlawhtling kan tam tawklo tih sawiin, mimal lang te awm \hin bawk mah se Team inelna ah phei chuan kan lan khat thu leh tual-chhung mai nilo, rampum huap pawha lang tura \an lak a \ul thu a sawi bawk.
Khuallian chuan tun \uma Championship-a champion te pawh an thlen chinah duh-tawk mai lova hmasawn zel tum tura chahin, Ser-chhip Sub-Hqrs. YMA leh Serchhip District Volleyball Association ten thawhdunna \ha tak neia Tournament hlawhtling tak an lo buatsaih tawh thu sawiin, kumthar ah pawh buatsaih leh tura ruahman mek a nih thu a sawi a. Zu leh ruihhlo avanga nih tur ang ni phaklo \halai tam tak an awm thu pawh sawiin, YMA chu Mizote min phuarkhawmtu a nih angin kan YMA tlan a \ul thu a sawi bawk.
Serchhip District Volleyball Championship-ah hian Senior Men, Women leh Under-19 ah te inelna neih a ni dawn a, Senior Men-ah hian Team 10 telin Under-19 ah Team 10 bawk an tel a, Hmeichhia ah Team 4 an tel bawk a, Serchhip khawpui chhung bakah Thenzawl, Khawlailung, North Vanlaiphai, East Lungdar, Thentlang leh Hriangtlang a\angin Team an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man