Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip-ah Teakwondo zirna tur MJA Serchhip District President in a hawng

Serchhip Teakwondo Club buatsaih Teakwondo zirna chu nimin tlai khan MJA (SD) President, C. Lalhminghlua chuan a hawng.
Serchhip Teakwondo Club in an din Teakwondo zirna ‘Dojang’ hawnna hi Lalpuithanga Hall, Serchhip Chhim Veng-ah neih niin he hunah hian MJA Serchhip District President, C. Lalhminghlua chuan hetiang Martial Art te hi infiamna a nih rualin mahni invenna atana pawimawh a nih avangin a \angkai a. Mahni inthununna leh invawn thianghlimna a ken tel bawk avangin hriselna thlentu a ni thei bawk tih a sawi a. Khua leh tui \ha, mi hman tlak inchherna atan pawh a pawimawh thu sawiin, Teakwondo thiam chu mihring nunphungah pawh mi fel leh hmantlak, hawihhawm a ni \hin a, chuvang chuan zirna sikul ah pawh hmun tam tak takah kalpui mek a ni tih a sawi a.Teakwondo zir turte chu thiam tak nih tum tur leh District aiawh mai bakah State leh ram aiawha thlanchhuah tling nih tum tura chahin, a mimala inelna chi infiamna ah chuan State leh District aiawha thlan nihna kawng a inhawng zau a, lawmman pawh mimal kutah a luh \hin bawk avangin a phurawm bik em em a ni, a ti bawk.
Teakwondo zirna inkhawm hi Serchhip Teakwondo Club President, V. Hmingthanchama’n a kaihruai a, Serchhip District Sports Committee Chairman, Lalremruata Ralte pawhin thu sawiin, Serchhip District Sports Committee-a Affiliated Club leh Association 20 zingah Teakwondo Association chu Association nung pawl tak a ni tiin, infiamna reng rengah zirna lama thiamna sang nei te tan remchang a tamin, hmasawn a awl bik bawk a, chuvangin Teakwondo zirlai nih vanga zirna thlahthlam lo turin zirtu naupang te a chah bawk. He hunah hian Serchhip District Teakwondo General Secretary, Vanlalhruaia pawhin Serchhip-ah Teakwondo Association chu kum 2004 vel a\anga kalpui a nih thu leh Teakwondo boruak a thih mek laia din thar a ni leh chu lawmawm a tih thu a sawi a, Club \anpuina sumfai engemaw zat a pe bawk.
Serchhip Teakwondo Club Dojang hawnnna hian an Treasurer, F. Lalhmangaihsanga pawhin report pe in, Mizoram Amateur Teakwondo Association Executive Member, Tv. Mawitea pawhin he hun hi a telpui a. He Academy-ah hian registration fee thla khat atan Rs. 50 la in Monthly Fee Rs. 100 lak \hin a ni dawn a, tlai dar 3:00-ah zir \hin a ni ang.

Comments

Popular News (Last 30 Days)