Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip-ah National Voluntary Blood Donation Day hmangin a thlawna thisen pekna neih a ni

October 1-a National Voluntary Blood Donation Day pualin nimin khan Serchhip-ah thisen pek pawimawh zia inzirtirna leh a thlawna thisen pekna hun hman a ni.
Rampuma thisen pekna Ni, National Voluntary Blood Donaton Day puala inkhawm, Serchhip Blood Bank leh Association for Voluntary Blood Donation (AVBD) Serchhip Branch te huaihawta Serchhip Blood Bank-a neih hi AVBD Serchhip Branch President, Zolianmawia chuan kaihruaiin AVBD Serchhip Branch Vice President, Zonunsanga Kawlni chuan he Ni hman a nih chhan leh rampuma he Ni hman a nih dan sawiin, kumin ah pawh hun chep tak kara hetiang hun hman a ni leh thei chu lawmawm a tih thu leh he Ni denchhena tlawmngaia thisen pe thei an awm chu lawmawm a tih thu a sawi. AVBD Serchhip Branch Vice President chuan tunhma lamin Serchhip damdawi In ah damlo ten thlakhat chhungin thisen Unit 35 vel an mamawh anga ngaih a nih thu leh amaherawh chu sorkar in Serchhip damdawi In ti changtlunga Doctor a dah belh azarah tunhma lama damdawi In lian zawka reffer \hin te enkawl theih a nih tak avangin thisen mamawhna hi a sang ta hle tih a sawi a. Hetianga thisen mamawhna a san tak avang hian tlawmngai pawl hrang hrang, Kohhran |halaite leh pawl dang bakah mimal te pawhin thisen pek an uar zel a \ul tak thu a sawi a. Thisen chu a aiawh thei tur siamchhuah ala nih loh avangin midang kan pek chu kan hmuh theihna a nih thu sawiin, tlawmngaia pek kan uar zel a pawimawh thu a sawi a. Serchhip in Blood Bank kan neih theihna tura hma kan lak hnuah Blood Bank hi kan neih tak thu sawiin, Blood Bank neih ringawt chu a hlutna a awm loh thu leh Blood Bank-a thisen kan dah chu he Blood Bank hlutna a ni tih kan hriat reng a pawimawh thu a sawi bawk.
Nimin a National Voluntary Blood Donation Day hman pual leh tun thla ni 9-a Darnam Branch YMA Silver Jubilee lo thleng tur lawmna ni pah fawmin Serchhip Darnam Branch YMA chuan damlo a mamawh apiangte hmn turin thisen Unit 33 an pe nghal a, thisen petute hi Mipa 26 leh Hmeichhia 7 an ni.
National Voluntary Blood Donation Day hi kum 1975 atang khan India ramah hman \an a ni a, mipui ten thisen pek a pawimawh zia an hriat theihna tur atan te, damlote tana thisen pek zawng zawng chu a thlawna pek a nih theih nana inzirtirna hun atan te leh damlo te mamawh khawp thisen Blood Bank-a a awm theihna tura inzirtirna atan te, thisen pe ngailo ten an pek ve theihna tura inzirtirna leh a pe tawh ten an pek zel theihn tura inzirtirna hun atan te hman \hin a ni.

Comments

Popular News (Last 30 Days)