Serchhip-ah Elementary School-a Zirtirtute tan ‘Learning Out Come’ chungchang zirhona neih a ni

SSA Mission Serchhip leh DIET Serchhip te \angkawp buatsaih Serchhip Block huamchhunga Primary School leh Middle School Zirtirtute tana ‘Learning Out Comes’ training chu nimin khan neih \an a ni.
He Training Serchhip DIET Training Hall, Serchhip-a neih hi SSA Serchhip Block-a BRC Coordinator, J. Lalmuanpuia chuan kaihruaiin he hun hmanpuitu SSA Mission Serchhip District-a DPC, Vanlalchhana chuan Serchhip-a Elementary School hrang hrangah zirlai naupang awmloh avanga zirna Inkhar ngai leh sawikhawm ngai a awm chu pawi a tih thu sawiin, Zirtirtute chuan ‘Engtin ngen zirlai nu leh pa ten min rin leh theih ang?’ tih an ngaihtuah a \ul thu a sawi a. Zirtirtute chu ‘Hnam dintu’ tia sawi an nih chu a ropui rualin, ‘Eng angin nge an zirlaite an chherchhuah?’ tih pawh an ngaihtuah \hin a \ul thu leh zirlaite chu an File ve a ni tih an hriat a \ul thu sawiin, nikhat a School kai hun chhung chu sorkar in darkar 5 bithliah mah se an hna chu nitin darkar 24 thawh tur a nih thu a sawi bawk.
He hunah hian Serchhip DIET Principal, Lalrammawia chuan he training an buatsaih chhan te sawiin, tunhma lamin India ramah Minimum Level of Learning kalpui a nih thu leh hetah hian zirlaite chu an zirchhuah tur duan a nih thu a sawi a. Amaherawh chu hei hi a \ha tawk tawhlo nia hriatna a awm avangin Ministry of Human Resource Development chuan ‘Learning Out Comes’ duang tur hian NCERT chu ruatin he ruahmanna ah hian India rama Zirna In hrang hranga pawl zat inang te chuan an thiam inang leh thiam thuhmun an neih a, ‘Hei tal hi an thiam tur a ni’ tih chin a bithliah tak thu a sawi a. Hemi atan hian rampuma zirna In-ah te Achivement Survey neih a nih dawn thu leh he Survey neih a nih hnu hian zirna In hrang hranga pawl thuhmun te tan Exam te pawh buatsaih a nih dawn thu a sawi bawk.
He training ni 2 awh turah hian nimin khan Serchhip Block huamchhunga Primary School tin a\angin Headmaster leh Zirtirtu pakhat tan training buatsaih niin Vawiin ah Middle School te tan training neih leh a ni anga, he training-ah hian Resource Person atan Serchhip DIET Principal, Lalrammawia bakah DIET Lecturer a\angin R. Lalrinawma, Amy Lalrinmawii leh Jenny Lalrindiki te hman an ni dawn a ni.

Popular News