Latest News

NEDP hnuaia Serchhip District chhunga Purunsen ching turte tan training buatsaih a ni

Nimin khan Agriculture Department Conference Hall, Serchhip-ah Department of Agriculture (Crop Husbandary) Aizawl leh District Agriculture Office, Serchhip \angkawp buatsaihin Serchhip District-a NEDP Purunsen ching turte tan Training buatsaih a ni.
Serchhip District-a NEDP Purunsen ching turte tana Training hi Lalringliana, SDAO Serchhip chuan kaihruaiin, kumin Thlasik-a Purunsen ching tura thlante hi New Economic Development Policy (NEDP) hnuaia thlan an nih thu a sawi a. Purunsen ching tur hian Serchhp District chhung khaw hrang hrang 8 (pariat) a\angin chhungkaw 80 thlanchhuah an nih thu leh, NEDP a\angin chhawmdawlna leh \anpuina awm thei ang angte pek an nih tur thu a sawi bawk a. Department lam a\anga inbuatsaih ngai ang angte pawh inbuatsaih fel ni tawhin, loneituten theihtawp chhuah a, hlawhtling ngei tura \an lak erawh an tih ve tur anih thu a sawi a ni.
He Training-ah hian Vanlalhmuaka Ngente, Scientist (Horticulture), KVK North Vanlaiphai chuan Purunsen kui \iah dan te, a chin dante leh enkawl dan turte bakah damdawi hman a ngai anih pawh a, a hman dan turte uluk takin a lem nena entirin a zirtir a. Vanlalhmuaka Ngente chuan sorkarin duhsak taka a chhawmdawlna a\ang hian Purunsen kham khawp thar chhuak ngei tura hnathawk tura fuihin, depertment lam chu anmahni \anpui turin an inhawng reng a ni, a ti a, hlawhtling tura bei tak tak ngam lo tur chu inhnukdawk ngam mai zawk turin a ngen a ni. 
He hunah hian zawhna leh chhanna hun hmangin, loneituten harsatna an tawh \hinte leh hriat duh an neihte pawh tha taka sawiho a ni.
Serchhip District chhunga NEDP hnuaia Purunsen chin tur hi tunlai hian Serchhip Zawlpui Phai-ah kui\iah mek a ni a, tunhnai khan MJA Serchhip District Member te chuan heng Purunsen chi kui\iah te hi a hmunah tlawhin Department hmalakna te an enpui tawh a, NEDP hnuaia Purunsen chin tur hi tunhma lama mi \henkhat ten an lo chin tawh \hin dan ang ni lovin kaihhruaina mumal tak nen kalpui a ni dawn a ni.

Comments

Popular News (Last 30 Days)