Mizoram chu State bila Education Reform nei awmchhun a ni - Minister, School Education

Mizo Students Union (MSU) General Conferene vawi 16-na chu Sialhawk khuaa Lallula Run-ah neih mek a ni a, nimin khan School Education Minister, H. Rohluna chuan he hun hi khuallian nia hmanpuiin Mizoram chu State bila Education Reform nei awmchhun a nih thu a sawi.

Mizo Students Union (MSU) General Conferene vawi 16-na ah hian School Education Minister chuan zirna tih hmasawn nan sorkar-in nasa taka \an a lak thu leh hemi kawngah hian hna tam tak thawh a nih tawh thu sawiin, hmabak tihlawhtling tura ruahmanna kalpui mek zel a nih thu a sawi a. Right to Information Act in a phut angin zirtirtute chu training pek vek tura tih a ni tih sawiin, hemi ti puitling tur hian NIOS hnuaiah September ni 30 thleng khan enrollment tih niin nakum March Ni 31-ah chuan training pek vek hman tum a nih thu a sawi a. Sorkar chuan a \ul angin Recruitment Rules-te pawh siam\hain, Zirtirtute Welfare pawh a ngaihtuah sak zel a nih thu a sawi. School Education Minister chuan Zirlaite chu pass mark ngawr ngawr hmuh tum lova thiamna tak tak zirchhuah tum turin a fuih a. Nakin lawka ram leh hnam innghahna tur zirlaite chu hnamdang kuta ram inrelbawlna dah mai lovin Central Service-a tam zawk inziaktling ngei thei tura \an la turin a fuih a. Sorkar in zirtirtu indaihlohna phuhruk nan Science leh Maths High School-a zirtirtu tur 111, Science-ah 47 leh Maths-ah64; Middle School Zirtirtu tur 60 leh Primary School zirtirtu 100 la tura hmalak mek a nih thu a sawi bawk.
MSU General Conference hi Oct. 11 a\anga neih niin zanin hian zawhfel a ni dawn a, nimin a inkhawm hi MSU Asst. General Secretary, Vanlalliana Khiangte chuan kaihruaiin he hun hi Bialtu MLA, Lalrinliana Sailo chuan ‘Uaptu’ niin a hmanpui bawk a, zirlai  kalkhawmte chu Social Media hmang thiam tura fuihin, sap\awng zir nan leh finna leh thiamna dangte zir nan hmang thiam \hin turin  fuih a, Zirlaite chu hrehawm hmasak hreh lo turin a chah bawk.
MSU hi kum 2001 khan din niin tun din-hmun ah General Hqrs. 1; Regional Hqrs. 1; District Hqrs. 3; Hqrs. 6; Sub-Hqrs 33 leh Direct Branch 6 bakah Branch 40 a awm mek a. Kumin a Conference-ah hian thupui atan ‘Zirlaite ram leh hnam tan’ tih hman niin nakum Conference chu Aizawl-ah neih a ni anga, hruaitu thlanna neih nghal tur a ni ang.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.