Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-ah Faina Hapta hman \an leh a ni

Mamit leh Biate te Mizoram khaw fai berah thlan an ni


Nimin a\ang khan Mizoram hmun hrang hrangah Faina Hapta chu hman \an leh a ni a. Aizawl-a he Ni puala hun hman ah UD&PA Department bultuma khaw fai thlanna result puan a ni a, Mamit District chu Mizoram District Hqrs. zinga khaw fai berah thlan a ni a, Urban Town zingah Biate chu khawpui fai berah thlan a ni bawk.

India Hnampa, Mahatma Gandhi piancham puala kumtin Faina Hapta hman \hin angin nimin a\ang khan Mizoram pumah Faina Hapta hi hman leh \an a ni a, Aizawl-a he Hapta hawnna hun Aizawl Sipai Lammual-a UD&PA Minister, Zodintluanga hove neihah Minister hian India rama State fai ber nih tuma sorkar hmalakna zing ami, kum khat chhung faina beihpui hmanna tur Action Plan for Cleanliness Year (2.10.2017 – 1.10.2018) chu tlangzarhin khawpui fai inelna “Cleanliness Competition in Mizoram (Urban)” result chu puan nghal a ni. He hunah hian UD&PA Minister chuan UD&PA Department-in kum 1977 a\anga Faina Hapta a hman tirh a\angin kumin chu a kum 40-na, Ruby Jubilee a nih thu sawiin, faina leh thianghlimna kawngah hma kan sawn hle nia a hriat thu a sawi a. Hnam leh ram changkanna tehfung pawimawh tak mai pakhat chu faina kawnga an dinhmun a nih thu sawiin, chumi avang chuan kum 1977 a\anga Faina Hapta/Cleanliness Week kumtin hman \hin chu kuminah chuan a Week mai duh tawk tawh lovin “Cleanliness Year” hman a nih dawn tak tur thu sawiin, Cleanliness Year chu a hawng nghal a ni.
UD&PA Minister chuan kumina Khawfai Intihsiakna a buatsaih chu hlawhtling hle nia a hriat thu leh, faina kawnga Mizo inthurualzia a tilang tih sawiin, hei vang hian Mizoram Urban area-ah chuan kumtin Khawfai Intihsiakna hi buatsaih chhunzawm zel a nih tur thu leh, nakum atan tun a\anga khawtinte lo inbuatsaih turin a chah nghal bawk a. Mizoram chu North East-ah ODF hmasa ber nih tuma hma lak mek laiin Sikkim-in min hmakhalh mah se, pahnihna ni turin tunah hian theihtawp chhuah mek a nih thu leh India ramah State fai ber nih tum a nih thu a sawi bawk.
Mizoram-a a vawikhatna atana khaw fai inelna neihah hian Category hnih awmin, Category-I ah District Capital pariat te enfiah an ni a, Category-II ah hian Urban Town 15 te an inel thung a ni. Category-I ah hian Mamit chu khaw fai berah thlan niin Lunglei chu pahnihna leh Champhai chu pathumna an ni a, Kolasib, Siaha, Serchhip Aizawl leh Lawngtlai ten an dawt a. Category-II hnuaiah hian Biate chu khaw fai berah thlan niin Hnahthial leh Saitual ten an dawt a, Lengpui, Zawlnuam, Sairang, Kawnpui, Khawhai, Tlabung, Khawzawl, Darlawn, North Vanlaiphai Bairabi, Vairengte leh Thenzawl ten an dawt bawk.
Hemi rual hian Category I leh II te lakkawpin Overall Ranking, Mizoram pum huapa khaw fai ber thlanna neih nghal niin Biate chu Mizoram-a khaw fai berah thlan a ni a, Hnahthial leh Mamit in an dawt a ni. Category I leh II ah hian lawmman pakhatna hian Certificate leh pawisafai cheng nuai khat, pahnihna in Certificate leh Rs. 50,000/- leh pathumna in Certificate leh Rs. 30,000/- an dawng a, a bak zawngin Consolation Prize, Certificate leh Rs. 5000an dawng thung a. A bak zawngin consolation prize Certificate leh Rs. 5000/- dawngin, Overall a lawmman dawng te hian Certificate an dawng bawk.
UD&PA Minister in a hawn tak Cleanliness Year hian October 2, 2017 a\anga October 1, 2018 thleng a huam anga. Action Plan zulzuiin he kum khat chhung hian kawng hrang hrangin khawpui fai siam tura hma lak tum a ni a. Chung zingah chuan kawr/drain tihfai leh chei-bawl te, mimal leh vantlang hmunah leh zirna In ah te inthiarna \ha neih bakah vawnfai te, In tinin mahni bawlhhlawh paih hmaa \awih thei leh theilo thliar hran nachang hriat te, awareness campaign buatsaih te, vantlang bawlhhlawh bawm dah te leh bawlhhlawh sawngbawlna \ha zawk siam te a huam tel a ni.

Comments

Popular News (Last 30 Days)