Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Lirthei huna hmun siam belh

Serchhip District Superintendent of Police chuan thupek tichhuakin Serchhip khawchhung hmun \henkhat a Parking Area chu tih danglam a ni.
Sept. 29, 2017-a Serchhip District SP in thupek chhuaha a tarlan danin Serchhip khawpui chhunga lirthei kal vel alo mumal zawk nan leh lirthei khalhtute, lirthei-a chuangte him zawk nan thupek tichhuakin Parking Area hi tih danglam a ni a. Hemi ang hian Serchhip Tuikhuah Veng- LMV leh General Parking, Vantlang Zun In a\anga chhim lam meter 18 chu Auto Rickshaw Stand atan sawnphei niin Auto Rickshaw Stand a\anga meter 37 chu Maxi Cab Stand atan hman a ni anga, Maxi Cab Stand a\anga meter 16 chu General Parking hmun a ni ang.
Serchhip AOC Veng-ah ATM Booth a\anga P&E Veng peng chho chu No Parking-ah puan a ni a, Synod Bookroom leh Town Hall peng inkar meter 18 chu General Parking a ni ang. IOC Veng-ah Pu Thanhawla (L) In bula thirban a\anga Auto Rickshaw Stand thleng Foothpath lam meter 30 chu General Parking ah puan niin IOC Auto Rickshaw Stand a\anga hmarlam DTO Office Main Gate thleng leh DTO Main Gate a\anga DC Office peng opposite chu General Parking-ah puan a ni bawk. Hei bakah hian College peng-a Pu Zohminga building leh Pu Zothana building inkar, ATM Opposite chu General Parking-ah puan a ni bawk.

Comments

Popular News (Last 30 Days)