Kum 10 kalta chhunga naupiang tlem ber kum 2016; District hrang hrang zingah Serchhip-ah piang tlem ber

Nikum 2016 chhung khan Mizoram-ah naupiang 22,497 an awm a, mitthi 6422 an awm bawk a. Kum 2016 hi kum 10 kalta chhunga Mizoram-a naupiang an tlem ber kum a ni.
Economics & Statistics Department in ‘Annual Report Registration of Births & Deaths Mizoram, 2016’ an tihchhuah a\anga a lan danin nikum chhunga nau piang 22,497 zinga 8604 hi thingtlang (Rural) a piang an niin a dang 13,893 hi khawpui (Urban) a piang an ni thung a. Khawpui-a piang an tam chhan hi damdawi In lian leh changtlung zawk pan nasat vang a ni a. Kum 2016 hi kum 10 kalta, kum 2007 a\anga chhutin kumkhat chhunga Mizoram-a naupiang an tlem ber \um a ni a, naupiang zingah hian mipa tam zawkin 11,456 chu mipa an ni a, hmeichhia 11,041 an awm a ni.
Mizoram-a District 8 zingah Aizawl District chu nau piang tamna ber a ni a, nausen 9514 piangin Nau piang tlemna ber Serchhip District-ah chuan nausen 772 an piang thung a. Aizawl District-a nau piang an tam chhan hi damdawi In a tam vang nia thudawn a ni. Kum 2016 chhung hian nausen thihna 285 a awm a, nau thi saa piang 122 awmin Birth rate hi 20.50 (mi 1000 zela naupiang zat) a ni a, thihna rate hi 5.85 niin kumdang aiin nausen thihna hi nasa takin a tlahniam a ni. Kum 2016 chhungin Mizoram-ah nausen thi 285 awmin hei hi mi 1000 zela Nausen thi zat chhutna (Infant Mortality Rate) anga chhutin 12.66 a ni a, kum hmasa lam aiin nasa takin a tlahnim a ni. Nausen thihna (IMR) hi Saiha District-ah la sang berin nausen 1000 zela 26.04 chu an thi anga chhut a ni a, Aizawl District chu hniam berin 5.78 an thi anga chhut a ni.
Economics & Statistics Department thawktute chuan Mizoram pumah Registrars of Births & Deaths hi mi 832 an nei mek nia sawiin, heng a\anga data an lakkhawm te chu uluk taka an enfiah hnuah report hi an siam \hin tih an sawi a. An report siam chu a dik thawkhat hle turah an ngai nia sawiin, Central a chhinchhiahnaah pawh Mizoram chu 100% report lut angin a chhinchhiah niin an sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man