Khawpui fai ber neih tumin sorkar in hma la

/
Khawpui fai ber neih tuma Mizoram sorkar hmalakna, Swachh Survekshan 2018 Roadmap chu nimin khan Urban Development & Poverty Alleviation (UD&PA) Minister, Zodintluanga'n a pisa-ah a tlangzarh.
Sorkar laipui Ministry of Housing & Urban Affairs chuan khawpui a lo fai zawk nan 'Swachh Survekshan 2016' ruahmanin India rama khawpui 73-te an lo inel tawh a. Swachh Survekshan 2017 chu January a\anga February, 2017-ah ruahman lehin khawpui 434 an in el ve thung a. Swachh Survekshan 2016 inelna ah khan Aizawl khawpui chu khawpui 73 zingah 41-na a ni a, kum 2017-ah thung chuan Atul Mission for Rejuvenation and Urvan Transformation (AMRUT) khawpui 500 zingah 105-na a ni. Swachh Survekshan 2018-ah khawpui 4041 an inel dawn a, Mizoram chhung a\angin khawpui 23 an tel dawn a ni.
UD&PA Department hmalakna hnuaiah Mizoram sorkar chuan January a\anga February, 2018 chhung hian Swachh Survekshan 2018 hi kalpui a tum a. Ministry of Housing & Urban Affairs in Swachh Survekshan 2018 kalpui nan toolkit a siam hman dan tur hrilhfiahna leh Mizoram chhunga Swachh Survekshan kalpui dan tur ruahmanna chu a lehkhabu buatsaihin 'Swach Survekshan Roadmap' tih a vuah a. Nimin chawhma khan UD&PA Minister, Zodintluanga chuan a tlangzarh a ni. November ni 1, 2017 hian Swachh Survekshan Nodal Officer ho tan 'Sensitization Workshop on Swachh Survekshan' chu neih tura rua-hmanna siam a ni bawk.
Kum 2017 hi Mizoram in Cleanliness Week a hman kum 40-na (Ruby Jubilee) kum a nih angin UD&PA Department-in a duan, Action Plan for Cleanliness Year 2017-2018 chu UD&PA Minister, Zodintluanga chuan October ni 2, 2017 khan a tlangzarh a. New Economic Development Policy hnuaiah Sanitation hi  peng pawimawh tak pakhata telhin Mizoram Sanitation Task Force chuan chak takin hma a la mek bawk. UD&PA hmalakna vekin kumin hian Mizoram khawpui fai ber inelna buatsaih a ni a. |huang hniha kalpuiin category-I leh a pumpui tehnaah Biate khua chuan pakhatna lawmman a dawng a ni. Biate khawpui hi India ram pum inelna Swachh Survekshan ah pakhatna dinhmun a luah ngei theih nan nasa taka hmalak tum a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »