Halpuah leh Silai lem khap a ni leh dawn

Krismas leh kumthar vuakvet lo thleng turah halpuah leh silai lem, a mu kapchhuak thei (a kah na) chi lakluh, zawrh leh hman reng reng khap a ni leh dawn.
Kum 2017-2018 Krismas leh Kumthar vuakvet laia halpuah leh silai lem a mu kapchhuak thei (a kah na) chi lakluh, zawrh leh hman khap chungchang ngaihtuah hian nimin khan Home Minister, R. Lalzirliana hovin a Office Chamber-ah Mizoram DGP, Thianghliam Pachuau bakah Home Department, Fire & Emergency Services, District tin DC leh SP, AMC, Taxation Department Official-te leh Central YMA hruaitute chu an \hukhawm a. He \hutkhawm a tel te hian halpuah leh silai lem, a mu kapchhuak thei (a kah na) chi lakluh, zawrh leh hman reng reng khap leh nise tiin hmalak dan an duang bawk.
He \hutkhawm a tel ten ruahmanna an siam dan chuan hemi chungchangah hian DC tinin khapna thupek a rang thei ang berin an tichhuak anga, Checkgate zawng zawngin Mizoram chhunga bungraw lakluh te lo endikin, Local Council leh VC tinin tlangau-in khapna thu hi an puang anga, Mizoram chhunga NGO zawng zawng ten District tin SP nena \angrualin \hahnemngai takin hma an lak bakah Mizoram Kohhran Hruaitu Committee pawh halpuah hal \hatlohzia leh hal lo tura ngenna Kohhran tina puang tura ngen an ni dawn a. Zirna In tinah uar taka halpuah hal \hatlohzia inzirtir tura ruahman a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man