Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

DISHA Meeting-ah DRDA hmalakna te tarlang

Niminpiah a Serchhip District Development Co-ordination Committee \hutkhawm ah DRDA hnuaia Serchhip District chhunga hmalakna hrang hrangte tarlan a ni.
He \hutkhawma tarlan a nih danin mirethei In sak sakna, PMAY-G hnuaiah Serchhip Block ah target 36 leh East Lungdar Block-ah target 19 a awm mek a. Tun dinhmun ah fund dawn la nilo mahse reilote ah fund hi a awm beisei a ni. Kum 2016-17 chhung atana Border Area Development Programme (BADB) sum lokal cheng nuai 217 chu tunah hian hman zawh ni tawhin kum 2017-18 ah hetiang zat vel bawr bawk hi lokal tura beisei a ni a. BADP sum hman dan tur chungchangah hian Central lamin hmalak hmasakna tur indawt (priority list) thar a nei a, an ngaihpawimawh dan indawt hi ramri a\anga an hlat zawng a\anga teh tur niin First Priority chu Border a\anga KM 10 a hla area a ni a. Serchhip District-ah chutiang khua chu Sailulak leh Lungkawlh chauh an nih avangin 2017-18 Fund hi he khaw pahniha hman tura ruahman a ni a, kum lehah Second Priority, an ni aia ramri hnaihlo deuh zawk khuaah hmang chho zelin a indawtin hman chhoh tawh tura ruahman a ni.

Comments

Popular News (Last 30 Days)