Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

BSF ten Police nupuite Puanthui zirna atan Serchhip-a MPWA te hnenah Puanthui khawl an hlan

Serchhip Dawngzawl-a awm 159th Bn. BSF chuan Mizoram Police Wives Association (MPWA) Serchhip Branch te hnenah Puan\hui an zirna turin nimin khan Puan\hui khawl pahnih an hlan.
Heng Puan\hui khawl hlanna puala inkhawm tawi Serchhip SP Conference Hall-a Addl. SP, Lalmuanpuia kaihhruai a neih ah 159th BN BSF Commandant, LS. Dahiya chuan 159th Bn. BSF te chu Serchhip bula Dawngzawl-ah Hqrs. nei mah se ramri-a venhimna hna thawkin Lawngtlai leh Lunglei District khawthlang lamah an awm ber thu a sawi a. Mipuite tan a theih ang tawka hma an lak ve \hin thu sawiin, kumin Fur lai-a tulian tuar mi 1500 vel an chhanchhuah thu leh Civic Action Programme a\angin Medical Camp pawh hmun thum-ah siam a nih thu a sawi a. Hei bakah hian Mizoram sorkar hnuaia thawk turin Computer thiam a \ul tawh angin tlawmngai pawl ten an ngen angin Computer zirna te pawh Tlabung-ah an buatsaih thu a sawi a. Tuna Police nupui intelkhawm te hnena Puan\hui khawl an pek chu \angkai taka an hman a beisei thu leh hun lo kal zel turah pawh mamawh te neia an tihsak theih a nih chuan an hnena thlen zel turin a chah bawk.
MPWA Serchhip Branch hi Sept. 8, 2015 khan din niin Serchhip District chhunga Police nupui ten awmze nei leh \angkai zawka an in\anpuia an intuamhlawm theih nan te, Police nupui te inhmelhriat nan leh midangte tana malsawmna an nih theih nan te din niin an pawl din tirah SP, Romil Baniyaa-a’n bul \anna atana Rs. 20,000/- a pek hmanga Puan\hui khawl pahnih leiin kum 2016 khan Puan\hui zirna hi an buatsaih \an a, kum 2017 February thla ah a vawihnihna atan buatsaih lehin Course khat ah thla thum (3) zel zirin tunah hian a \um thumna chu kalpui leh mek a ni a, a tira Puan\hui khawl pahnih an neih bakah hian Assam Rifles ten pakhat pek belhin tuna pahnih an dawn nen hian Puan\hui khawl panga (5) an nei ta a ni.
MPWA Serchhip Branch hruaitute chuan BSF te hnen a\anga Puan\hui khawl an dawng chu lawmawm an tih thu sawiin, Puan-\hui khawl an indaihloh avang hian Puan\hui zui duh zingah la zir theilo an awm thu sawiin, tunah chuan tam zawkin an zir theih tawh an beisei thu an sawi a ni.

Comments

Popular News (Last 30 Days)