Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

World Tourism Day puala inkhawm neih ah Tourism tih hmasawnna turin thawhhona tur ziah a ni

Khawvel hmundangte rualin nimin khan Aizawl-ah Chief Minister, Lal Thanhawla hovin 'World Tourism Day' hman a ni a, Chief Minister hianBerawtlang Tourist Complex-a  Convention Centre chu hawng nghalin Central YMA leh Tourism Department chuan nasa zawka Mizorama tourism tihhmasawn a nih theih nan thawhhona thuthlung an ziak bawk.

World Tourism Day pual-a inkhawm ah hian Chief Minister, Lal Thanhawla chuan World Tourism Day thupui atan United Nations World Tourism Organization-in 'Sustainable Tourism: A Tool for Development' tih a thlang chu Tourism tihhmasawn lama Mizoram hmachhawp leh mamawhna nen pawh a inhmeh hle nia a hriat thu a sawi a. Tunlai ah khawvelin hmasawnna (development) a sawi reng rengin ngelnghet leh tlo (sustainable) hi a lam tel zel tawh tih sawiin, Tourism Industry chu eizawnna \ha tak a nih thu a sawi a, Mizoram pawh India hmarchhak state dangte ang bawkin khualzin mi te hip theitu tur ramngaw nalh leh sik leh sa nuam tak nei a nih thu sawiin, Sorkar pawhin inkalpawhna \ha zawk siam kawngah Rel leh Thlawhtheihna \umhmun te ngaihtuahin, kawlpetha siamchhuahna te a siam belh zel thu leh ILP awlsam zawka neih a nih theih nan online-a dil theih turin hmalak mek a nih thu te a sawi bawk.
Chief Minister chuan Mizoram chu khualzin mi ten 'Eco-Tourism Industry \ha tak siam theihna a ni' tia an sawi \hin thu pawh sawiin, amaherawh chu hmasawnna chhuanlama ram mawina tichhe zawnga thil thar siam emaw, sak emaw lakah fimkhur a \ul thu a sawi a. Khualzin hip tumna lam development hna thawh hian 'sap' takin emaw, ramdang changkang zawka an tih dan te anga hmalak nilovin Mizo taka Hnam zia phochhuak thei zawng kalpui tur a ni, a ti a. Mikhual kan dawnsawn \hin danah pawh Mizo ten rilru zau tak pu in, kan ngaihdan leh rilru te pawh kan thlak a ngaih thu a sawi a. Central YMA nen a thawhhona thuthlung ziah pawhin Tourism-ah hmasawnna \ha tak a thlen ngei a beisei thu a sawi bawk.
He hun kaihruaitu Tourism Minister, John Rotluangliana chuan Hall \ha tak siam a hawn a nih theih nana thawktute \hahnem ngaihna chungah lawmthu a sawi a. Swachh Bharat hma-lakna hnuaiah Tourism Department chuan Aizawl leh a chhehvel a Tourist Facility fai ber thlanna a neih na ah Berawtlang Tourist Complex chu thlangin, nimin a he hun hmanna ah hian Finance Minister, Lalsawta chuan an Manager hnenah lawmman pawisafai Rs.10,000 leh certificate a hlan bawk a ni.
Nimin a Chief Minister, Lal Thanhawla’n Berawtlang Tourist Complex-a Convention Centre a hawn tak hi sorkar laipuia Ministry of Tourism bultuma sak niin, chhawng hnih a sak a ni a. Ground floor chu metre 823 bial a zau niin, mi 230 leng Conference Hall, Green Room, Rest Room, Exhibition Hall, VIP Lounge, Entrance Lobby leh Reception area a awm a; Basement Floor chu metre 383 bial a zau niin, he floor-ah hian mi 44 lenna Banquet Hall, Press Conference Hall, Store Room leh Toilet Block a awm a ni. Convention Centre sak hna hi PWD in thawkin, 1.6.2011 khan sak \an a ni a, ni 9.1.2015 khan zawh a ni a, ni 17.2.2017 khan Tourism Department kutah hlan a ni.
Mizoram sorkar-a Tourism Department leh Central YMA ten nimin a 'Tourism Awareness Campaign' neih chungchanga thawhhona thuthlung an ziah ah hian Tourism Department aiawhin Tourism Secretary leh Director ten hming an ziak a, Central YMA aiawhin Central YMA President leh General Secretary ten an hming an ziak bawk a ni.
World Tourism Day puala inkhawm ah hian Tourism Director, Biakthanmawia Pautu chuan World Tourism Day theme “Sustainable Tourism: A Tool for Development” tih thupui hmangin thu a sawi bawk a ni.

Comments

Popular News (Last 30 Days)