VIP Culture hi tihbo kan tum dawn - Lalduhoma

ZNP President, Lalduhoma chuan, “Zoram Peoples’ Movement, |angrual Pawl kan sorkar chuan VIP Culture hi tihbo kan tum dawn a ni,” a ti.

ZNP in nimin a Aizawl-a an Party Office-a Chhung Inkhawm an neih ah Lalduhoma hian thu sawiin Lengpui Airport-a inthliarna awm mek a ngaihmawh thu a sawi a. “Lengpui Airport-ah hian a hulhliap thlenga tlan thei chu VIP chauh an ni a, mipuite chu damlo pawh nise ruahsur lai pawhin hulhliap-ah tlanluh ve phal a ni lo a. Hetiang hi India ram hmundang ah a awm kan hre lo a ni” tiin, “Zoram Peoples’ Movement (|angrual Pawl) kan sorkar chuan ‘Baburaj’ (VIP Culture) hi tihbo kan tum dawn a ni” a ti.

|angrual Pawl chuan Mizo Culture tunnun leh an tum thu sawiin Lalduhoma chuan, “Engkim-a VIP leh mipui inkara kak awm reng mai hi kan nuaibo dawn a, VIP quota engkim maia awm te hi lepse a hun tawh, Minister zin kan hmuak luai luai \hin te hi ZPM chuan nuaireh kan tum dawn a ni” tiin, Zoram People Movement (ZPM) chu- Congress thlak chak tawh, MNF la iai bawk si kalna tur ‘Bawm’ an nih thu a sawi bawk.