Latest News

UNICEF hmalakna a naupang Awmna leh Kaw\halo pumpelhna tura Action Plan siam dan tur sawiho a ni

UNICEF hmalakna hnuaia naupang awmna (Pneumonia) leh kaw\halo (Diarrhoea) tam lutuk pumpelhna tura Serchhip District-a ruahmanna, Action Plan siam dan tur nimin khan District Bawrhap hovin Health Department leh Department pawimawh sawm bik ten an sawiho.

He sawihona Serchhip District Bawrhsap Pisa-a neih ah hian Bawrhsap, Sangchhin Chinzah chuan mihringin natna kan tawrh tam tak hi hriatna kan tlakchham avanga kan tawh te leh thianghlimna lam kan hlamchhiah lutuk vanga kan tawh te a ni thei tih sawiin, chuvang chuan hrisel tura kan tih tur thil tam tak te ngaihven nasat deuh deuh leh, thianghlimna lama nasa taka hma kan sawn zel a pawimawh tih a sawi a. UNICEF leh WHO mithiamte hmuh danin khawvela naupang kum 5 hnuailam te thihna thlentu langsar Awmna leh Kaw\halo te pawh invenna hmanga pumpelh theih, kan faten an lo tawh palh pawha a nih dan tur ang thlapa enkawl chuan dam leh mai thei a ni tih sawiin, chuvang chuan a invenna kan ngaihven leh a enkawl dan kan hriatchian te a \ul thu a sawi bawk.
He hunah hian Serchhip Chief Medical Officer, Dr. Laldawngliana Sailo pawhin thusawiin, heng natna chi hnih- Awmna leh Kaw\halo te hi mi in a kai hnuah chauh Medical lama thawk te chuan lo buaipuiin an lo enkawl \hin tih a sawi a. Amaherawh chu kai lo tura inven theih, hriatna leh thuawihna hmang \angkaia pumpelh theih natna a nih avangin Health Department chuah nilo, Department dangte nena thawhho ngai a, Action Plan-ah pawh Department dangte nena thawkho a ruahmanna siam a \ul thu a sawi a. “Theihtawp chhuaha kan thawhho phawt chuan nasa takin heng natna pahnihte lakah hian kan fate an him ngeiin a rinawm a ni,” tiin Department hrang hrang te chu thawhhopui ah a sawm nghal bawk.
He hunah hian Dr. Lalrinzama (Padea-trician), Serchhip Hospital chuan naupang ten Awmna leh Kaw\halo an kai \hin chhan te, natna thlentu langsar zualpui te leh a enkawl dan tlangpui sawifiahna a nei a. UNICEF hi he Global Action Plan a ruahman dan te pawh sawi-fiahin; heng naupang thihna thlentu langsar tak natna pahnihte hi awlsam te-a inven theih a nih dan leh a kaite tan pawha sum tlem te seng a tihdam mai theih a nih zia sawifiahna a nei a ni.
United Nations (UN) hnuaia Agency pawimawh pahnih, The United Nations Child-ren's Fund (UNICEF) leh The World Health Organization (WHO) ten khawvel puma nau-pang kum nga (5) hnuailam te thihna zaa 29 zet thlen \hintu natna, ven theih reng ni si Pneumonia leh Diarrhoea natna te kum 2025 hmaa mi tam zawkten kan pumpelh ngeina turin rua-hmanna a siam a, he ruahmanna siam, Integrated Global Action Plan for Pneumonia and Diarrhoea/GAPPD ti hlawhtling tura hmalakna kal zelah UNICEF chu Assam State a inbun in India ram State hrang hrangah Workshop a kalpui mek a. Mizoram-ah pawh Workshop hi buat-saih tawh a ni.
He hmalakna kal zelah hian Mizoram-a District tinte chu District Action Plan siam tura tih an nih angin Serchhip District pawhin nimin hian heng natna pahnihte nihphung leh a lo awm chhan te zirchiang chungin Action Plan siam dan tur a rel ta a ni. GAPPD in a tum ber chu heng natna pahnihte kum 2025 a hmun thuma \hena hmun hnih (2/3) tala tihnep a ni.
Nimin a he \hutkhawm a tel te hian Ser-chhip District tana Annual Action Plan hi Chief Medical Officer (CMO) Office lamin kimchang takin lo duang se an ti a, he an thil duan hi an peihfel hunah la enho leh nise an ti a ni. Nimin a he \hutkhawm ah hian Social Welfare Department, Education Department, PHE leh a kaihhnawih Department hotute bakah I&PR Officer te an tel a ni.

Comments

Popular News (Last 30 Days)