Tun thla ni 15 a\anga Parking Fee khawn thlirletna nei

Serchhip District Traffic Management Committee chu nimin khan an Chairman Serchhip District Bawrhsap Sangchhin Chinzah hovin a Office Chamber-ah an \hukhawm a, tun thla ni 15 a\anga Serchhip khawpui chhunga Parking Fee khawn tak a\anga thil thleng hrang hrangte an thlirlet.
He \hutkhawm ah hian Bawrhsap, Sangchhin Chinzah chuan Serchhip khawpui chhung hmun thlanbik ah te State Transport Authority (STA) ruahman angin tun thla ni 15 a\angin a \umkhat nan Parking Fee khawn \an a nih thu sawiin, lirthei neitute leh thuneitute ngei tan pawh thil tih fuh tawk loh te, han siam rem hlek ngai thil te awm thei a nih avangin ni 10 hnu velah thlirletna hun hi buatsaih a nih tih a sawi a. Parking Fee khawn avanga mipui ten harsatna an tawh phah leh Parking Fee khawn avanga lirthei chet vel dana hmasawnna awm te sawiho tura Meeting hi koh a nih thu a sawi a ni.
Nimin-a Meeting hian Auto Rickshaw neitute leh Pick-up neituten an harsatna an thlen te ngaihtuah a ni a, an harsatna neihte hi Collector leh anmahni inkara chinfel mai theih nia a lan angin District Transport Officer kaihhruaina hnuaiah lo inbia se tia rel a ni a. Parking Fee pum-pelh duh avanga khawpui chhung kawngkam \henkhata lirthei dahtute chungchang ngaihtuah a nih bakah, District Hospital Complex-a No Parking Area khauh zawka kenkawh dan tur te, a hungna siam dan tur te, Road Marking thar zawk a \ulna hmuna siam dan tur te leh Collector Retender \ul pakhat la awm mek umzui dan turte pawh he hunah hian sawiho a ni. He Meeting-ah hian Serchhip SP, Lalringdika leh State Transport Authority (STA) Member, Lalram-liana Sailo te bakah District Traffic Management Committee member te leh lirthei-a eizawng pawl aiawh te an tel a ni. Serchhip-a Parking Fee khawn a nih avang hian Serchhip-ah lirthei lek-chhuak an tlem phah hle nia thudawn a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.