Tuihna humhalh leh a awmsa tihpun kawngah Central YMA leh PHE Deptt. in thawhdunna an ziak leh

Mizoram sorkar-a PHE Department leh Central YMA te chuan tuihna humhalh leh a awmsa tihpun kawnga thawhdunna an lo siam tawh chu kum li (4) dang atan an chhunzawm leh a. He thawhdunna hnuaiah hian Mizoram a Group YMA leh Branch YMA hrang hrang ten tuihna humhalh leh a awmsa tih pun kawngah kumtin inelna an nei \hin a ni.

Nimin a PHE Department leh Central YMA in thawhdunna thuthlung an ziah ah hian PHE Department aiawhin Engineer-in-Chief, Lalmuanzova leh Central YMA aiawhin Central YMA President, Lalbiakzuala chuan hming a ziak a, PHE E-in-C Pisa-a thawhdunna thuthlung ziahna hunah hian PHE Engineer-in-Chief, Lalmuanzova chuan kum 2012 a PHE Department leh Central YMA in tuihna humhalh leh a awmsa tihpun kawnga thawhdunna thuthlung an ziah chu a hun a lo tawp hnuah tuna kum li (4) dang, 2017-2021 atana thawhdunna an ziak leh thei chu lawmawm a tih thu leh Zoram hmun hrang hrangah rah duhawm a chhuah mek thu bakah tuihnar ram te vat lova humhalh nachang kan hre chho zel chu lawmawm a tih thu a sawi a. Hmun \henkhatah chuan YMA, VC te leh sorkar department dangte nen thawkho in tuihnar ram mimal kuta awm tawhte pawh neih let sak lehin tuihna awm leh thei tur zawnga ram enkawl mek anih thu a sawi bawk a ni. 
Central YMA President, Lalbiakzuala pawhin hnam ringawt humhalha ram humhalh tel si loh chu a khingbai tih a sawi a. Kan tuihna neihchhunte kan humhalh loh chuan a tuartu tur chu keimahni tho kan ni tih sawiin, \hangtharte tana chhenfakawm ni ngei thei tura tuihna humhalh a pawimawh thu a sawi bawk.
PHE Department leh Central YMA hian September 2012 khan kum 4 chhung atan thawh-dunna lo ziak tawhin hei hi a zawh hnuah thuthlung hi a tharin an ziak leh a, he thawhdunna hnuaiah hian Mizoram-a Group YMA leh Branch YMA hrang hrang ten tuihna humhalh leh a awmsa tihpun kawngah kumtin inelna neiin lawmman sem \hin a ni a. Swachh Bharat Mission(Gramin) hmalakna pakhat atan kumin June 2 khan Faina kawngah thawhdunna thuthlung pawh ziakin he thawhdunna hnuaiah hian kumin Central YMA General Conference a\angin YMA Branch fai lawmman sem \an beisei a ni.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni