Sustainable Mountain Development Summit nei \an

Tlangram hmasawnna ngelnghet atana tihtur leh hmalakna kalpui dan tur chungchanga inrawnkhawm, Sustainable Mountain Development Summit vawi 6-na chu niminpiah tlai khan Mizoram University-ah Chief Minister, Lal Thanhawla chuan a hawng.
Nithum chhung awh tur Sustainable Mountain Development Summit hawnna ah hian Chief Minister, Lal Thanhawla chuan hmasawn mek leh \hang lai, tlangram State te tana pawimawh tak zirchianna te bakah sawihonna hun leh hmun Mizoram-ah nghah a ni chu lawmawm a tih thu sawiin, Thiamna, inthlunzawmna leh intlawhpawh tawnna kawng hrang hrangah khawvel a \han chak viau laiin mi zawng zawngin pawimawh kan tih tlan vek pakhat a awm a; chu chu 'hmasawna ngelnghet, hmalam hun a tana him si' chu a ni, a ti a. "Hmasawnna turin \an kan la vek a, hmasawn kan duh vek a; mahse, hmasawn kan duhluata \hang leh thar hman tur awm lek lova kan leilung hauhsakna kan tih chereu vek si chuan thil pawi liantak kan khawih tihna a ni ang," a ti.
Chief Minister chuan hmarchhak tlangram te chu leilung leh a chhunga awm, a chunglang a \o leh chawr, ramhmul, hnimhnah chi tinreng te bakah chung thil kara cheng thilnung chitin reng tam bikna hmun, Bio-Geographical Zone-ah pawh Indian, Indo-China leh Indo-Malayan Bio-Geographic region a ni tih a sawi a, "Hmarchhak bial, Fur a ruahtui tam em em, |hal-a tui van em emna ni si te hi engtin nge kan hlawkna turin kan siam ang?" tih chu ngaihtuah a \ul thu sawiin, "Kan In ah te bakah kan huanah te pawh senso tlem zawkin engtin nge ruahtui kan khawl ang tih te hi mithiam ten chhanna hmu se ka duh a. Tlangram a khawpui \hang chho mek ten khuarel chhiatna lian tak tak kan tawh mawlh mawlh te hi ven dan emaw, pumpelh dan kawng dap nise. Ruahmanna fel tak duan nise a lawmawm khawp ang. Kan ramngaw chereu chak lutuk leh kan lui, tui hna kang chat mek siam \hat dan te pawh dap tel ni se," tiin SMDS VI palai te a chah bawk a ni.
He Summit-ah hian India ram hmun hrang hrang leh ram pawnlam palai 300 rual velin tlangrama hmasawnna ngelnghet neih theih dan zirhonna bakah an thil zir, tawn hriat leh hriat inkawhhmuh tawnna hun ang hmang dawn a ni.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni