Sik leh sa inthlak danglam vangin ruahsur hun a rei - Larsap

Mizoram Larsap, Lt. Gen. (Rtd) Nirbhay Sharma chuan Mizoram-ah sik leh sa inthlak dang-lam avangin ruahsur hun chhung a seiin ruahtui pawh a tam tial tial tih a sawi.
Swiss Agency for Development and Cooperation (SDC) hnuaia Indian Himalayas Climate Adaptation Programme (IHCAP); Department of Science and Technology, Govt. of India; Mizoram State Climate Change Cell,(MISTIC, Govt. of Mizoram leh Centre for Media Studies (CMS) te bultuma ni thum awh tur ‘Media Workshop on Climate Change Reporting’ nimin a Aijal Club-a a hmanpuina ah he thu hi sawiin Larsap chuan sik leh sa inthlak chungchang hi kum tam tak kalta a\angin kan hriat tawh \hin thu leh, mi tam zawk chuan min nghawng phak pawh kan ring lo \hin tih sawiin, Khawvel lum chho zel avangin Himalaya tlanga vurte a tuiral chak tial tial a, tuifinriat tui chim chin a sang chho in, ruahsur dan te pawh a mumal tawh lo tih a sawi.
Larsap chuan Mizoram-ah pawh sik leh sa inthlak danglam avangin ruahsur hun chhung a seiin ruahtui pawh a tam tial tial tih sawiin, “Tui tlan turah harsatna kan tawk a, kan thlai chin ten an chhiatpui a, natna hrik a pungin, mipui kan hrisel tur angin kan hrisel theilo a ni,” a ti a. ‘Save Chite Lui’ chungchang sawiin, hmundang ah chuan lui humhalh chu sorkar tih vek turah dahin, kan ramah chuan khawtlang an inlungrualin, an thawhhona a \hat thu a sawi a, Ramdangte entawn tlak ni tur leh a hlawhtlin nan mipui thlawpna a dil nghal bawk.
He hunah hian Planning Minister, Lalsawta pawhin sik leh sa inthlak avangin kumin January leh May inkarah boruak danglam tak a thlen thu a sawi a. February a\anga ruah a la tlak chhunzawm thu sawiin, mi tam takin an eizawnna an hloh phah in, nunna hial an chan phah a. Heng thil thleng te hi mimal tute emaw tihsual avanga thleng a ni lo a, kan zavaiin mawh kan phur a ni, a ti bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai