Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip-a Sports Stadium sak mek panna kawng chhiat vangin hna zawhfel hun tur hriat theih ala ni lo

 Serchhip Hmar Veng-a Football Stadium sak mek chu kumin June thla vela a panna kawng a chhiat hnuah hna thawh chhunzawm hleihtheih lohin a awm mek a, hei vang hian Stadium peih hun tur pawh hriat theih ala ni lo a. Stadium sak hna thawktute chuan hna an zawh hun tur pawh an sawilawk theilo tih an sawi.

Serchhip Hmar Veng-a Football Stadium sak mek hi LENKAWL Palai chuan a hmunah tlawhin hnathawh mek leh tuna an dinhmun te an enfiah a, helai hmuna hnathawktute chuan sorkar thuneitu ten Field chhung a\anga Tuichhe paihna tur siam tura an tih anga hma an lak zui thu leh tunah hian tuichhe paihna tur Pipe te pawh Serchhip rawn phurhthlen a nih tawh thu sawiin, amaherawh chu kumin June thla tir lama ruahsur nasa ah khan Sports Complex panna kawng, Serchhip Leisang Veng mawng lam ami chu tlahniamin hei hi siam\hat a nih loh chuan bungrua te hi thiarluh theih a nih loh avangin hna an chhunzawm thei tawhlo tih an sawi a. He lei tlahniam hi Hmar Veng pelh, Leisang Veng mawng, Serchhip-VII VC huamchhung ami a nih thu sawiin, VC hnenah leh District thuneitute hnenah pawh an harsatna hi an thlen tawh thu an sawi a, amaherawh chu hmalakna hmuh mai theih a awm loh avangin hun rei tak chhung hna an chawlhsan tawh tih an sawi a. Tunah hian Field chhunga tui pipe phumna tur chu meter 5 dan velah an lai mek tih sawiin, hei hi lai zo pawh nise Pipe hi phurhluh theih a nih chuan loh avangin hna an chhunzawm theih hun tur hi an hrelo tih an sawi a. Kawng hi siam\hat ni sela chuan hna hi chhunzawm thuai thuai theih a nih thu leh tunah hian hnathawhna atana hman tur Diesel te pawh mihring tha-a lakluh vek a \ul avangin harsatna an tawh thu an sawi a ni.
Serchhip Hmar Veng mawng, Sports Complex hmuna Football Stadium sak mek panna kawng hi hna thawhna atana hman a nih dawn avangin RCC Slab hmanga chhun vek a ni a, kumin Fur-a ruahtui tla avang khan a panna kawngah hian lei tlahniam awmin Field panna kawng pawh hi ft. khat aia thu mahin a tlahniam a, kawng-a RCC Slab chhun innghahna a tlakhniam avang hian tunah hian lirthei ke 2 nei tan chuan kal tlang theih hram hram ni mah se Motor ke li nei leh rit phur tan chuan kal ngaihna a awm lo a. Stadium sak hna thawktute chuan mimal ram laih belh a ngaih dawn avangin an tan chuan hmalak mai a harsat thu sawiin, thuneitu lam ten chak takin hma la thei se an duh thu an sawi a ni.
Cheng Vbc. 12 senga sak Serchhip Hmar Veng-a Sports Stadium hi kum 2011 a\anga bul \an niin tunah hian hna tam zawk chu thawh zawh tawh a ni a, hnathawktute hi NBCC hnuaia Agni Shanti Buildtech Ltd. niin Football Field bik hi a dung Metres 110 leh avang Metres 74 tura duan niin a sirah hian Athletics track siamna tur hmunawl zuah a ni a. A sir kual chhuakin mipui \hutna tur siam vek a ni bawk a. Thawktute chuan Field a Artificial Turf phah tur tih chauh lo chu an zo thuak tawh tih an sawi a ni.

Comments

Popular News (Last 30 Days)