Serchhip-a High Mast hmang \an ta

Serchhip-IV Village Council hmalakna a Ser-chhip Bazar, damdawi In bula High Mast dah chu Inrinni zan khan mipuite tan hman \angkai \an a ni.
Serchhip-a Electric Department in Serchhip damdawi In bula High Mast siamchawpa an dah chu thlipui tleh avanga chhiaa hun rei tak chhung Serchhip-a High Mast a awmloh hnuah Serchhip-IV Village Council chuan nikum khan LAD Minister, PC. Lalthanliana hnenah High Mast dah tur hian dilna thlenin hei hi LAD chuan Finance Department-ah thlen lehin tunah chuan High Mast hi bun fel a ni ta a. He High Mast bun tur hian sorkar chuan Tender tichhuakin cheng nuai 12.5 vel ruahman a ni a, Aizawl lam mi Contractor in chhangin Bajaj Company chuan he High Mast hi an rawn bunfel ta a ni.
Serchhip damdawi In bula High Mast bun thar hi meter 25-a sang niin a foundation atan hian lei chu ft. 8 bialin ft. 7-a thukin an lai a, a hnuai berah Inches 4-a chhahin PCC Slab chhung lehin hemi chungah hian Inches 14-a chhah, Ft. 4 bialin RCC hmanga chhun leh a ni a, hemi chungah hian High Mast dan dinna tur a ding leh a ni. He High Mast-ah hian Eng pechhuak thei tur Box 6 vuah a ni a, Box tinah hian Watt 400 hmang Light pahnih zel dahin a vaiin light 12 a awm a, Electric hi Watt 4800 vel hmang tura chhut a ni. He High Mast bun tur atana Estimate siam ah hian Electric Connection lakna tur tih tel a ni lo tih thuneitute chuan sawiin, hei hi buaipui chhunzawm nghal a ni dawn a, tunah hian Temporary-a Connection hi pek niin Three Phase Connection lak a ni a, a rawn buntu te hian kum khat chhung an enkawl zui dawn a ni.

Popular News