Serchhip District Sports Committee hmalakna in Serchhip-ah thisen pek runpui neih a ni

Mizoram sorkar Sport & Youth Services Department hmalakna a Mizoram District hrang hranga thisen pek runpui neih mekah nimin khan Serchhip-ah pawh Serchhip District Sport Committee huaihawtin JN Hospital Serchhip Blood Bank-ah thisen pek runpui neih a ni.

Serchhip District Sport Committee huaihawt thisen pek \an hmaa a hawnna inkhawm tawi Serchhip CMO Conference Hall-ah neih ah khuallian nia he hun hmanpuitu Serchhip SDO (Sadar), R. Vanrengpuia chuan infiammi kalkhawmte chu midangte tana thisen pek hlutzia hre thar leh tura chahin, Infiammi \halai in fit zawk leh hrisel zawk an nih avangin midangte tan malsawmna an nih theih nan hetianga a huhova thisen pekna hun huaihawt anih kher loh pawha a thlawn a thisen pek duhna a rilru pu zel \hin turin a fuih a, Mizoram Sport & Youth Services hmalakna hnuaia Serchhip District Sport Committee in Serchhip District-a infiammi ten hetianga midangte tana thisen pek runpui an buatsaih chu lawmawm a tih thu a sawi bawk.
Serchhip District Sports Committee Chairman, Lalremruata Ralte kaihhruai he hunah hian Lalrampari, Senior Coach, Sport & Youth Services Department pawhin Blood Donation neih a nih chhan a sawifiah a. Sports & Youth Services Department hian Sports discipline hrang hrang leh Youth Services- Scouts & Guides, Adventure, NCC, NSS, NYK, YHAI leh Mizoram State Sports Council kaltlangin naupang a\anga \halai zawk te kawng hrang hrangin kum 30 chuang a lo kaihruai tawh a. |halaite kaihruaitu Department a nihna ang ngeiin midangte tana malsawmna leh nun chhanna turin thisen pek runpui hi District zawng zawngah ni September 6 a\anga 8 chhung hian hian buatsaih a ni tih a sawi a. Sports & Youth Services Department aiawhin Serchhip District Sports Committee te hnenah hian infiamna bungrua engemaw zat a hlan nghal a ni. Lalrampari hi Directorate of Sports & Youth Services Department a thawk mi \henkhat ten an rawn \awiawm bawk a ni.
Nimin a JN Hospital Blood Bank-a thisen pekna hun buatsaih ah hian Serchhip District chhunga infiammi \hahnem tak thisen pe tur hian an kalkhawm a, mi tlawmngai kalkhawm te a\ang hian mi 48 in thisen an pe a, thisen petu zingah hian Hmeichhia 6 an tel a ni.
Sports & Youth Services Department hmalakna a thisen pek runpui neih mek hi niminpiah a Aizawl-ah neih a nih hnuah chhunzawm leh niin nimin khan Lunglei, Lawngtlai leh Cham-phai-ah te pawh neih a ni a, Vawiin hian Siaha, Mamit, leh Kolasib-ah te nei lehin zawhfel a ni tawh dawn a ni.

Popular News

Mizoram-ah Faina Hapta hman \an leh a ni

Retailer bukna diklo 3 man